యుద్ధ వేళ.. పాకిస్తానీయులు గూగుల్ లో ఇవే సర్చ్ చేస్తున్నారు..!

దిశ, వెబ్ డెస్క్: భారతమాత ఒడిలో రక్తపు మరకలు పడిన వేళ... పహల్గామ్ లోయ ఉగ్రవాదుల దుశ్చర్యకు బలైపోయిన వీరుల రుధిరంతో తడిసిన నేల... ఆ మంట చల్లారక ముందే, భారత సైన్యం ప్రతీకార జ్వాలలు రగిలించింది. మే 7 మంగళవారం వేకువ జామున 1:30 గంటలు... చీకటిని చీల్చుకుంటూ, నిశ్శబ్దాన్ని భేదిస్తూ ఉవ్వెత్తున ఎగిసిన క్షిపణులు... లక్ష్యం పాక్ ఆక్రమిత కశ్మీర్‌లోని ఉగ్రవాద స్థావరాలు. ఒక్కటంటే ఒక్కటి కాదు... ఏకంగా తొమ్మిది దుర్గాలు ధ్వంసమయ్యాయి. భారత సైన్యం పిడుగులా విరుచుకుపడింది.

"ఆపరేషన్ సిందూర్"... ఈ పేరు వింటేనే శత్రువు గుండెల్లో దడ పుట్టేలా ఉంది. సిందూర్... భారతీయ మహిళల నుదుటిపై మెరిసే పవిత్ర తిలకం. శాంతికి, సౌభాగ్యానికి చిహ్నం. అలాంటి ఒక మంగళకరమైన పదాన్ని ప్రతీకారానికి పేరుగా పెట్టడం... ఇది కేవలం దాడి కాదు, భారత సంస్కృతి సత్తా చాటి చెప్పడం. శత్రువు గుండెల్లో భయాన్ని నింపడంతో పాటు, తమ చర్య ఎంత శక్తివంతమైనదో చెప్పకనే చెప్పడం.

ఈ దెబ్బకు పాకిస్తాన్ ఒక్కసారిగా ఉలిక్కిపడింది. వారి కళ్ళలో భయం, దిగులు, ఆశ్చర్యం... అన్నీ ఒకేసారి కనిపించాయి. 'సిందూర్' అంటే ఏమిటని గూగుల్‌లో వెతకడం మొదలుపెట్టారు. 'ఆపరేషన్ సిందూర్ వికీ', 'ఇండియా మిస్సైల్ అటాక్', 'తెల్ల జెండా అర్థం' వంటి ప్రశ్నలతో వారి సెర్చ్ ఇంజన్లు నిండిపోయాయి. భారత సైన్యం కేవలం ఉగ్ర స్థావరాలను మాత్రమే కాదు, వారి మనోభావాలను కూడా కుదిపేసింది.

పాకిస్తాన్ మీడియాలో, ప్రజల్లో భయాందోళనలు మొదలయ్యాయి. సోషల్ మీడియా వేదికగా చర్చలు ఊపందుకున్నాయి. జరిగిన దాడిపై తమ ఆవేదనను, ఆందోళనను వ్యక్తం చేస్తున్నారు. పాకిస్తాన్ ప్రభుత్వం ఇంకా దీనిపై అధికారికంగా స్పందించాల్సి ఉంది. కానీ అంతర్జాతీయంగా ఈ ఆపరేషన్ చర్చనీయాంశంగా మారింది.

"ఆపరేషన్ సిందూర్"... ఇది భారతదేశం శక్తికి, సత్వర స్పందనకు నిదర్శనం. పహల్గామ్ దాడికి ప్రతీకారంగా భారత సైన్యం చేపట్టిన ఈ చర్య, ప్రతి భారతీయుడిని గర్వపడేలా చేసింది. శాంతిని కోరుకునే భారత్, అవసరమైతే భీకరమైన ప్రతీకారం తీర్చుకోగలదని మరోసారి ప్రపంచానికి చాటి చెప్పింది.