బాల హనుమాన్ విగ్రహానికి కిస్ ఇచ్చి.. హైఫై ఇచ్చి.. కాళ్లు మొక్కిన చిన్నారి.. క్యూట్ వీడియో.. మీరూ చూసేయండి

దిశ, ఫీచర్స్ : చిన్న పిల్లలు ఏది చేసినా ముద్దుగానే అనిపిస్తుంది. నవ్వినా.. ఏడ్చినా.. తిన్నా.. పడుకున్నా.. ప్రతీ సందర్భం క్యూట్‌నెస్‌తో నిండిపోతుంది. చూసేవారికి ఆనందంతో కడుపు నిండినట్లుగా ఉంటుంది. ఇలాంటి ఓ ప్రెట్టీ వీడియో నెట్టింట వైరల్ అవుతోంది. గుడికి వెళ్లిన ఓ చిన్నారి.. బాల హనుమాన్ విగ్రహాన్ని చూసి సంతోషపడిపోయాడు. దేవుడికి ముద్దు పెట్టి.. హైఫై ఇచ్చి.. ఆ తర్వాత కాళ్లు మొక్కి ఆశీర్వాదాలు తీసుకున్నాడు. మొత్తానికి దేవుడిని తన ఫ్రెండ్‌లా ట్రీట్ చేశాడు. ప్రస్తుతం ఈ వీడియో నెట్టింట వైరల్ అవుతుండగా.. కామెంట్ సెక్షన్ లవ్లీ రియాక్షన్స్‌తో ఫుల్ అయిపోయింది.

హనుమాన్ అందరికీ బిగ్ బ్రదర్ లాంటి వాడు అని ఒకరు కామెంట్ చేస్తే.. నువ్వు అనుకున్నవన్నీ జరగాలిరా బుడ్డోడా అని మరొకరు ఆశీస్సులు అందించారు. ఈ చిన్నోడికి ఎలాంటి దిష్టి తగలకూడదని కోరుకుంటూ.. ఏకంగా దిష్టి తీసేస్తున్నారు. నిండు నూరేళ్లు హాయిగా జీవించాలని దీవిస్తున్నారు. ఫ్రెండ్ ఆఫ్ గాడ్ అంటూ రీపోస్టులు పెడుతున్న నెటిజన్లు.. లక్షల్లో లైక్స్, షేర్స్‌తో ఆ పొట్టోడిని వైరల్ చేస్తున్నారు.