‘గోటీల ఫ్యాక్టరీ’ వార్తలపై హీరో రాజశేఖర్ క్లారిటీ.. అసలు నిజాలు బయటకు!

దిశ, వెబ్‌డెస్క్: సోషల్ మీడియా (Social Media)లో వచ్చే వార్తలు ఒక్కోసారి ఎంత విడ్డూరంగా ఉంటాయో అనడానికి సీనియర్ నటుడు రాజశేఖర్‌ (Actor Rajashekar)పై వచ్చిన తాజా రూమరే ఓ నిదర్శనం. గత కొన్ని రోజులుగా రాజశేఖర్‌కు ఒక ‘గోటీల ఫ్యాక్టరీ’ (Marbles Factory) ఉందంటూ నెట్టింట పెద్ద ఎత్తున ప్రచారం జరుగుతోంది. ఈ క్రమంలోనే ఆ విషయంపై తాజాగా రాజశేఖర్ ఇటీవల ఓ ఇంటర్వ్యూలో స్పందిస్తూ ఆసక్తికర వ్యాఖ్యలు చేశారు. తనకు గోటీల ఫ్యాక్టరీ ఉందంటూ వస్తున్న వార్తల్లో ఎలాంటి వాస్తవం లేదని రాజశేఖర్ స్పష్టం చేశారు. అసలు ఆ ఆలోచనే నాకు లేదని, అది ఎవరో సరదాగా సృష్టించిన వార్త అని ఆయన నవ్వుతూ కొట్టిపారేశారు. వ్యూస్ కోసం, మీమ్స్ కోసమో ఎవరో చేసిన వీడియో ఇంతలా వైరల్ అవ్వడంపై ఆయన విస్మయం వ్యక్తం చేశారు.

సన్నిహితుల నుంచి ఫోన్లు..

గోటీల ఫ్యాక్టరీ విషయాన్ని సామాన్యులే కాకుండా రాజశేఖర్‌కు అత్యంత సన్నిహితులు, బాగా తెలిసిన వారు కూడా దీన్ని నిజమని నమ్మేశారట. ఆ వీడియోలు చూసి ఫ్రెండ్స్, రిలేటివ్స్ తనకు రిపీటెడ్‌గా ఫోన్లు చేశారని ఆయన పేర్కొన్నారు. ‘ఏంటి రాజశేఖర్.. మాకు చెప్పకుండానే గోటీల ఫ్యాక్టరీ పెట్టేశావా’ అని అడుగుతుంటే నాకు నవ్వాలో ఏడవాలో అర్థం కాలేదని రాజశేఖర్ చెప్పుకొచ్చారు. అయితే, నిజానికి ఓ యూట్యూబ్ ఛానెల్‌లో రాజశేఖర్ ఫోటోను థంబ్‌నైల్‌ (Thumbnail)గా పెట్టి ఆయనకు గోటీల వ్యాపారం ఉందని, అందులో లక్షల్లో జీతాలు ఇస్తున్నారంటూ ఎవరో ఒక సెటైరికల్ వీడియో చేశారు. అది కాస్తా అన్ని సోషల్ మీడియా ప్లాట్‌ఫామ్‌లలో తెగ వైరల్ అయింది. ఆ విషయం చివరకు ఆయన దగ్గరకు వెళ్లడంతో ‘రాజశేఖర్ గోటీల ఫ్యాక్టరీ’ పుకార్లకు ఎండ్ కార్డు పడింది.