పరాకాష్టకు చేరిన వ్యూస్ పిచ్చి.. కూతురితో తండ్రి వికృత చేష్టలు

దిశ, వెబ్‌డెస్క్: ఇంటర్నెట్ యుగంలో లైక్‌లు, వ్యూస్, ఫాలోవర్ల కోసం కొందరు ఎంతటికైనా తెగిస్తున్నారు. పవిత్రమైన కుటుంబ బంధాలను, సామాజిక విలువలను నడిరోడ్డుపై భ్రష్టు పట్టిస్తున్నారు. తాజాగా ఇన్స్‌స్టాగ్రామ్‌లో ఒక కుటుంబం చేస్తున్న వికృతమైన కంటెంట్ సోషల్ మీడియాలో తీవ్ర సంచలనంగా మారడంతో పాటు నెటిజన్ల నుండి తీవ్ర ఆగ్రహాన్ని మూటగట్టుకుంటోంది. వివరాల్లోకి వెళితే.. ఇన్‌స్టాగ్రామ్‌లో తండ్రి, తల్లి, కూతురు కలిసి ఒక ఫ్యామిలీ అకౌంట్ నడుపుతున్నారు. అయితే ఈ అకౌంట్ నుంచి సమాజం తలదించుకునేలా అత్యంత ఘోరమైన, అసభ్యకరమైన కంటెంట్‌ను ప్రదర్శిస్తున్నారు. ఇప్పటివరకు ఎన్నడూ లేని ఒక అత్యంత చెడు సందేశాన్ని వికృత సంస్కృతిని వీరు ప్రచారం చేస్తున్నారు. ఆశ్చర్యకరమైన విషయం ఏమిటంటే, ఈ చెత్త కంటెంట్‌ను చూడటానికి ఏకంగా 86,000 మందికి పైగా ఫాలోవర్లు ఉండటం సామాజిక విశ్లేషకులను ఆందోళనకు గురిచేస్తోంది.

బంధాల పవిత్రత మట్టిపాలు..

మొదట్లో ఈ అకౌంట్‌లో తల్లీ-కొడుకుల వీడియోలు వచ్చేవి. అందులో వారిద్దరూ అసభ్యకరంగా ఒకరినొకరు అంటుకుంటూ రీల్స్ చేసేవారు. నెటిజన్లు దీనిపై ఛీత్కరించుకుంటుండగానే, ఇప్పుడు వారు మరో దారుణమైన కంటెంట్‌కు తెరలేపారు. తండ్రి-కూతుళ్ల బంధాన్ని కూడా వదలకుండా వికృత చేష్టలు మొదలుపెట్టారు. తండ్రి తన యవ్వనంలో ఉన్న కూతురిని ముద్దు పెట్టుకుంటూ, స్మూచ్ (Smooch) చేస్తూ అసభ్యంగా వీడియోలు తీసి పోస్ట్ చేస్తుండటం తీవ్ర కలకలం రేపుతోంది. ఒక కూతురికి తండ్రితో ఉండే బంధం ఎంతో అమూల్యమైనది, గౌరవప్రదమైనది. కానీ, కేవలం వ్యూస్, ఫాలోవర్ల వేటలో పడి ఆ పవిత్రమైన బంధం యొక్క గౌరవాన్ని ఈ కుటుంబం మట్టిపాలు చేస్తోందని నెటిజన్లు మండిపడుతున్నారు.

"డబ్బులు, వ్యూస్ కోసం సోషల్ మీడియాలో బంధాలను ఇంతలా భ్రష్టు పట్టిస్తారా? ఏ తండ్రి అయినా తన కూతురితో ఇలా ప్రవర్తిస్తాడా?" అంటూ సోషల్ మీడియా వేదికగా నెటిజన్లు ప్రశ్నిస్తున్నారు. ఇలాంటి వికృత కంటెంట్ను అరికట్టడానికి, బంధాలను బజారున పడేస్తున్న ఇలాంటి అకౌంట్లపై డిజిటల్ ప్లాట్ఫామ్లలో కఠినమైన నిబంధనలు, చట్టపరమైన చర్యలు ఉండాలని నెటిజన్లు ముక్తకంఠంతో డిమాండ్ చేస్తున్నారు.