వైరల్ అవుతున్న డ్రోన్ పకోడా... పాక్ దాడులపై ఎయిర్ డిఫెన్స్ రెజిమెంట్ స్టైల్

దిశ, వెబ్ డెస్క్ : భారతదేశం - పాకిస్తాన్ మధ్య కాల్పుల విరమణ అమెరికా మధ్యవర్తిత్వంతో ప్రకటించబడినప్పటికీ, పాకిస్తాన్ తన పాత తంతు మానలేదు. మే 10న, భారత్‌పై డ్రోన్ దాడికి పాల్పడింది. ఈ ఘటనపై తీవ్ర విమర్శలు వెల్లువెత్తుతున్న వేళ, ఓ వినోదాత్మక ఫోటో సోషల్ మీడియాలో తెగ వైరల్ అవుతోంది.. అదే 'డ్రోన్ పకోడా'.

రిటైర్డ్ లెఫ్టినెంట్ జనరల్ కె.జె.ఎస్. ధిల్లన్ తన ఎక్స్ (ట్విట్టర్) ఖాతాలో ఈ ఫోటోను షేర్ చేస్తూ, చమత్కారంగా దీనిని "ఇండియన్ ఎయిర్ డిఫెన్స్ రెజిమెంట్ కొత్త స్నాక్.. డ్రోన్ పకోడా"గా పరిచయం చేశారు. ఈ కామెంట్ సోషల్ మీడియాలో నవ్వులు పూయిస్తోంది.

ఒక వైపు డ్రోన్ దాడుల్ని పాకిస్తాన్ తీవ్రంగా ముందుకు తీసుకెళ్తుంటే, మరోవైపు భారత ఆర్మీకి చెందిన అధికారులు హాస్యాన్ని ఉపయోగించి తమ భావోద్వేగాలను చక్కగా వ్యక్తం చేస్తున్నారు. డ్రోన్ పకోడా ఇప్పుడు కేవలం ఒక ఫోటో కాదు, ఇది పాక్ దాడులపై భారత సైన్యం వ్యంగ్యాత్మక ప్రతిస్పందనగా మారింది.

ఇది వినోదంతో పాటు పాకిస్తాన్ చర్యలపై వ్యంగ్య విమర్శగా కూడా నిలుస్తోంది. సోషల్ మీడియా వేదికగా ప్రజలు కూడా దీనిని ఉత్సాహంగా పంచుకుంటున్నారు, తమ అభిప్రాయాలను హాస్యమయంగా వ్యక్తం చేస్తున్నారు.