నల్లగొండ జిల్లాలో విషాదం

దిశ, నల్లగొండ: జిల్లాలో విషాదం చోటు చేసుకుంది. ఇంటి వద్ద ఆడుకుంటున్న ఇద్దరు అన్నదమ్ముల్లో ప్రమాదవశాత్తు పక్కనే ఉన్న వాగులో పడి అన్న మృతిచెందాడు. వివరాల్లోకి వెళితే.. నల్గొండ జిల్లా తిరుమలగిరిసాగర్​ మండలం ధన్సింగ్​తండాలో సోమవారం ఇద్దరు అన్నదమ్ములు ఇంటి వద్ద ఆడుకుంటున్నారు. ఈ సమయంలో పక్కనే ఉన్న వాగులో ప్రమాదవశాత్తు పడిపోయిన హరిలాల్(అన్నయ్య)​ ఊపిరాడక మృతిచెందాడు. తన అన్నయ్య కనిపించట్లేదని చిన్నవాడైన సాయికుమార్​ కూడా వాగులోకి చూడగా.. తాను మునిగిపోయాడు. అప్పటికే పిల్లల కోసం వెతుకుతున్న తల్లిదండ్రులు నీటిలో వాళ్లిద్దరినీ గమనించి.. ఇద్దరినీ బయటకు తీశారు. అప్పటికే హరిలాల్​ మృతిచెందగా.. సాయికుమార్​ ప్రాణాలతో కొట్టుమిట్టాడుతున్నాడు. చికిత్స నిమిత్తం అతడిని నార్కట్​పల్లి కామినేని ఆసుపత్రికి తరలించారు.