రేపు గన్‌పార్క్ ప్రాంతాల్లో ట్రాఫిక్ ఆంక్షలు
దిశ, హైదరాబాద్: తెలంగాణ రాష్ట్ర ఆవిర్భావ దినోత్సవం సందర్భంగా మంగళవారం నగరంలో ట్రాఫిక్ ఆంక్షలు విధిస్తున్నట్టు హైదరాబాద్ ట్రాఫిక్ అడిషనల్ కమిషనర్ అనిల్ కుమార్ ఓ ప్రకటనలో తెలిపారు. ఈ సందర్భంగా ముఖ్యమంత్రి కేసీఆర్ గన్‌పార్కు వద్ద అమరవీరుల స్థూపానికి నివాళులర్పించేందుకు రానున్న నేపథ్యంలో ఈ ఆంక్షలు విధిస్తున్నట్టు పేర్కొన్నారు. మంగళవారం ఉదయం 8.30 నుంచి 9 గంటల వరకూ రాజ్‌భవన్ రోడ్, ఖైరతాబాద్ చౌరస్తా, ఓల్డ్ సైఫాబాద్ పోలీస్ స్టేషన్, రవీంద్రభారతి, ఏఆర్ పెట్రోల్ బంక్ ప్రాంతాల నుంచి వచ్చే ట్రాఫిక్‌ను నిలిపివేస్తున్నట్టు వివరించారు. నగర పౌరులు ఆంక్షలకు అనుగుణంగా ట్రాఫిక్ నిబంధనలు పాటించాలని ఆయన కోరారు.
Next Story
