నర్మెటలో బొమ్మ తుపాకీ కలకలం

దిశ, హుస్నాబాద్: సిద్ధిపేట జిల్లా అక్కన్నపేట మండలానికి చెందిన ఓ యువకుని వద్ద బొమ్మ తుపాకీ దొరకడంతో మండలంలో కలకలం రేగింది. మండలంలోని దుబ్బా తండా పరిధిలోని పంచారయితం తండాకు చెందిన యువకుడు హైదరాబాద్ లో పని చేస్తుంటాడు. ఈ క్రమంలో ఆ యువకుడు హైదరాబాద్ నుండి ఇంటికి వస్తుండగా నర్మెట మండలం వద్ద పోలీసులు తనిఖీలు నిర్వహించారు. యువకుడి బ్యాగులో బొమ్మ తుపాకీ లభ్యమైంది. దీంతో ఆ పోలీసులు అక్కన్నపేట పోలీసులకు సమాచారం ఇచ్చారు.

గతంలో అక్కన్నపేట మండలంలో మేకలు కాసే వ్యక్తి దగ్గర తుపాకీ దొరికిన విషయం తెలిసిందే. ఈ క్రమంలో అదే కోణంలో పోలీసులు విచారణ చేశారు. ఆ యువకుడు తమ ఇంట్లో ఉన్న చిన్న పిల్లల కోసం తుపాకీ బొమ్మ కొన్నానని చెప్పినట్లు సమాచారం.