వైరాలో భారీ చోరీ

దిశ, వెబ్‌డెస్క్: ఖమ్మం జిల్లాలో దొంగలు బీభత్సం సృష్టించారు. ఓ బంగారం షాపులోని వెండి వస్తువులు, బంగారం దోచుకెళ్లారు. ఈ ఘటన వైరా పట్టణంలో బాలాజీ జ్యూయలరీ షాపులో బుధవారం రాత్రి చోటుచేసుకుంది. పోలీసులు తెలిపిన వివరాల ప్రకారం… షాపు ముందున్న సీసీ కెమెరాలను ధ్వంసం చేసి, షాపు షట్టర్‌ను పగలగొట్టి లోపలికి ప్రవేశించి 20 కిలోల వెండి, 6 తులాల బంగారం ఎత్తుకెళ్లారు.

అయితే దొంగలు షాపులోని సీసీ కెమెరాలను గమనించకపోవడంతో రికార్డు అయిన దృశ్యాల ప్రకారం ఇద్దరు దొంగలు దొంగతనానికి పాల్పడినట్లు పోలీసులు తెలిపారు. దాదాపు రూ. 12 లక్షల విలువైన వస్తువులను ఎత్తుకెళ్లినట్లు బాధితుడు వెల్లడించాడు. వైరా ఎమ్మెల్యే లావుడ్య రాములు నాయక్ షాపును సందర్శించి, త్వరగా కేసును చేదించాలని పోలీసులను ఆదేశించారు.