కరోనా నిర్మూలన అందరి బాధ్యత: రావుల రవి చందర్

దిశ, కేసముద్రం: ప్రతి ఒక్కరూ విధిగా మాస్కు ధరించాలని రెడ్ క్రాస్ రాష్ట్ర కమిటీ సభ్యులు రావుల రవి చందర్ రెడ్డి అన్నారు. సోమవారం మహాబూబాబాద్ జిల్లా కేసముద్రం మండలంలో మాస్క్ పంపిణీ చేసి ప్రజలకు అవగాహన కల్పించారు. గాంధీ సెంటర్ నుండి అంబేద్కర్ సెంటర్ వరకు అవగాహన ర్యాలీ నిర్వహించారు. వీధి వ్యాపారులకు, వాహనదారులకు, రైతులకు, విద్యార్థులకు మాస్కులు ఉచితంగా పంపిణీ చేశారు.

ఈ సందర్భంగా రావుల మాట్లాడుతూ.. కరోనా నిర్మూలన అందరి బాధ్యత అని అన్నారు. ప్రతీ ఒక్కరూ కరోనా నిబంధనలు పాటించాలని కోరారు. ఈ కార్యక్రమంలో రెడ్ క్రాస్ జిల్లా ఛైర్మన్ పి.వి ప్రసాద్, జిల్లా ట్రెజర్ మాధవ పెద్ది వెంకట్ రెడ్డి, జిల్లా కమిటీ సభ్యులు గొర్రె వెంకన్న, రెడ్ క్రాస్ సభ్యులు తోనుపుణురి సాయి కృష్ణ, నూకల యశ్వంత్ యాదవ్, ఎస్సై రమేష్ బాబు, నల్లా కిరణ్, తరుణ్, అశోక్ పాల్గొన్నారు.