బావిలో పడిన లారీ..

దిశ, చేవెళ్ల : రంగారెడ్డి జిల్లా శంకరపల్లి మండలం మాసాన్ని గూడా గ్రామ శివారులో ఈరోజు తెల్లవారుజామున ప్రమాదవశాత్తు మట్టి లోడుతో వెళ్తున్న లారీ బావిలో బోల్తాపడింది. ఈ ఘటనలో లారీ డ్రైవర్‌కు గాయాలయ్యాయి. సమాచారం తెలుసుకున్న గ్రామస్థులు హుటాహుటిన బావి దగ్గరికి వెళ్లి తాళ్ల సహాయంతో అతడిని పైకి లాగారు. 108 అంబులెన్సుకు సమాచారం ఇవ్వడంతో డ్రైవర్ రమేష్‌కు చికిత్స నిమిత్తం పటాన్ చెరువులోని ప్రైవేట్ ఆస్పత్రికి తరలించారు. ఈ ప్రమాదంపై పూర్తి వివరాలు తెలియాల్సి ఉంది.