ట్రాక్టర్ ముక్కలైనా డ్రైవర్ సేఫ్

దిశ, వెబ్‎డెస్క్: లేచిన వేళ బాగున్నట్టుంది. ట్రాక్టర్ సగం ముక్కలైనా డ్రైవర్‎కు చిన్న గాయం కూడా కాలేదు. ఓ ట్రాక్టర్ వెనుక ట్రక్ తగిలించుకుని వీధి నుంచి రోడ్డుపైకి వచ్చింది. టర్నింగ్ తీసుకునేలోపే రోడ్డుపై వేగంగా దూసుకొచ్చిన కారు ట్రాక్టర్‎ను ఢీ కొట్టింది. దీంతో ట్రాక్టర్ ముందు భాగం సగానికి విరిగి పక్కన పడింది. కాగా, ట్రాక్టర్‎లో కూర్చున్న డ్రైవర్ మాత్రం సురక్షితంగా బయటపడ్డాడు. ఈ ఘటన ఎక్కడ జరిగిందో గానీ ఈ వీడియో సోషల్ మీడియాలో వైరల్ అవుతోంది. వీడియో చూసిన వారంతా ట్రాక్టర్ డ్రైవర్ నిర్లక్ష్యమే కారణమని అంటున్నారు.