చింతల్‌లో ఘోర రోడ్డు ప్రమాదం..

దిశ, వెబ్‌డెస్క్ : నగరంలోని చింతల్‌లో ఘోర రోడ్డు ప్రమాద ఘటన చోటుచేసుకుంది. బుధవారం తెల్లవారుజామున ఛత్తీస్‌గఢ్ రాజధాని రాయ్‌పూర్ నుంచి ఇనుప రాడ్ల లోడుతో వస్తున్న లారీ.. చింతల్‌లోని మాంగళ్య షాపింగ్ మాల్ వద్ద విద్యుత్ స్తంభాన్ని ఢీకొట్టింది. ఈ క్రమంలోని లారీ బోల్తా పడింది. అయితే తెల్లవారు జాము కావడంతో రోడ్డు మీద ఎవరూ లేరు. దీంతో పెను ప్రమాదం తప్పింది. లారీ రోడ్డుపై బోల్తా పడటంతో ఆ ప్రాంతంలో భారీ ట్రాఫిక్ జామ్ ఏర్పడింది. సమాచారం అందుకున్న వెంటనే పోలీసులు ఘటన స్థలానికి చేరుకుని ట్రాఫిక్ క్లియర్ చేశారు. లారీ డ్రైవర్ పరారీలో ఉన్నట్టు పోలీసులు తెలిపారు.