రామ్ చరణ్ 'పెద్ది' సెట్స్‌లో వరల్డ్ కప్ విన్నర్ తిలక్ వర్మ సందడి.. గిఫ్ట్‌గా అదిరిపోయే బ్యాట్

దిశ, వెబ్ డెస్క్: భారత క్రికెటర్ల, టీ20 వరల్డ్ కప్ విన్న తిలక్ వర్మ రామ్ చరణ్ 'పెద్ది' సినిమా సెట్స్ లో సందడి చేశారు. ఇటీవల ముగిసిన 2026 టీ20 వరల్డ్ కప్‌లో భారత్ చారిత్రక విజయం సాధించడంలో కీలక పాత్ర పోషించిన తెలుగు తేజం తిలక్ వర్మ 'పెద్ది' (Peddi) షూటింగ్ సెట్స్‌లో ప్రత్యక్షమై అందరినీ ఆశ్చర్యపరిచారు. ఈ మెగా స్పోర్ట్స్ యాక్షన్ డ్రామా షూటింగ్ హైదరాబాద్‌లో శరవేగంగా జరుగుతుండగా, వరల్డ్ కప్ విజేతగా నిలిచిన తర్వాత తిలక్ వర్మ నేరుగా సెట్స్‌కు వచ్చి చరణ్‌ను కలిశారు. ఈ సందర్భంగా తిలక్ వర్మ వరల్డ్ కప్‌లో ప్రదర్శించిన అద్భుత ఆటతీరుపై రామ్ చరణ్ ప్రత్యేకంగా ప్రశంసలు కురిపించారు.

షూటింగ్ సెట్స్‌లో చిత్ర దర్శకుడు బుచ్చిబాబు, రామ్ చరణ్‌తో కలిసి తిలక్ వర్మ కాసేపు ముచ్చటించారు. చరణ్ నటిస్తున్న హై-ఇంటెన్సిటీ స్పోర్ట్స్ సీక్వెన్స్‌లను చూసి తిలక్ ఫిదా అయ్యారు. ఈ క్రమంలో రామ్ చరణ్ తనదైన శైలిలో తిలక్ వర్మకు ఒక అద్భుతమైన సప్రైజ్ ఇచ్చారు. 'పెద్ది' సినిమాలో షూటింగ్ కోసం వాడుతున్న ఒక స్పెషల్ క్రికెట్ బ్యాట్‌ను తిలక్‌కు బహుమతిగా అందించారు. మెగాస్టార్ చిరంజీవి సినిమా సెట్స్‌లో గతంలో సందడి చేసిన తిలక్, ఇప్పుడు చరణ్ సెట్స్‌లో కూడా మెరవడంతో 'మెగా-క్రికెట్' బాండింగ్‌ను చూసి అభిమానులు సోషల్ మీడియాలో పండగ చేసుకుంటున్నారు. ఈ చిత్రం ఏప్రిల్ 30, 2026న ప్రపంచవ్యాప్తంగా విడుదల కానుంది.