రాజ్యసభ సభ్యులుగా వేం నరేందర్ రెడ్డి, అభిషేక్ మను సింఘ్వీ.. ధ్రువీకరణ పత్రాల స్వీకరణ

దిశ, వెబ్ డెస్క్: తెలంగాణ నుంచి రాజ్యసభకు కాంగ్రెస్ అభ్యర్థులు వేం నరేందర్ రెడ్డి (Vem Narender Reddy), అభిషేక్ మను సింఘ్వీ (Abhishek Manu Singhvi) ఏకగ్రీవంగా ఎన్నికైన విషయం తెలిసిందే. ఈ క్రమంలో ఈరోజు తమ ఎన్నికకు సంబంధించిన అధికారిక ధృవీకరణ పత్రాల (Official certificates)ను ఇద్దరు సభ్యులు అందుకున్నారు. హైదరాబాద్‌లోని అసెంబ్లీ ప్రాంగణంలో రిటర్నింగ్ అధికారి (Returning Officer) చేతుల మీదుగా వారు ఈ సర్టిఫికేట్లను స్వీకరించారు. ఈ సందర్భంగా నూతనంగా ఎన్నికైన సభ్యులకు కాంగ్రెస్ నేతలు శుభాకాంక్షలు తెలిపారు.

దేశవ్యాప్తంగా జరిగిన రాజ్యసభ ఎన్నికల ప్రక్రియలో భాగంగా తెలంగాణలో ఖాళీ అయిన స్థానాలకు వీరిద్దరిని కాంగ్రెస్ అధిష్ఠానం బరిలోకి దింపింది. ఇతర పార్టీల నుంచి ఎవరు పోటీలో లేకపోవడంతో వీరి ఎన్నిక ఏకగ్రీవమైంది. రాజ్యసభలో తెలంగాణ గొంతుకను బలంగా వినిపిస్తామని, రాష్ట్ర ప్రయోజనాల కోసం నిరంతరం కృషి చేస్తామని ఈ సందర్భంగా ఇద్దరు నేతలు స్పష్టం చేశారు.