KANGUVA EDITOR: ఇండస్ట్రీలో విషాదం.. ‘కంగువా’ ఎడిటర్ అనుమానాస్పద మృతి

దిశ, సినిమా: సినీ ఇండస్ట్రీలో విషాదం నెలకొంది. కొలీవుడ్ స్టార్ హీరో సూర్య నటించిన లేటెస్ట్ మూవీ అయినటువంటి ‘కంగువా’ సినిమాకు పని చేసిన ఎడిటర్ నిషాద్ యూసుఫ్ కన్నుమూశారు. 43 ఏళ్ల నిషాద్‌ కేరళ పనమ్​పిల్లీ నగర్​లోని తన అపార్ట్​మెంట్​లో మరణించారు. ఈయన అర్ధ రాత్రి 2 గంటల సమయంలో ఆయన మరణించినట్లు తెలుస్తోంది. అయితే మృతికి గల కారణాలు ఇంకా తెలియలేదు. దీంతో పోలీసులు అనుమానాస్పద మృతిగా కేసు నమోదు చేసి దర్యాప్తు చేస్తున్నారు. కాగా ఈయన నిషాద్ థల్లుమాలా, చావెర్, ఉండా వంటి చిత్రాలకు ఎడిటర్‌గా పనిచేశారు.