నల్లబండ గూడెంలో విషాదం

దిశ, కోదాడ : కోదాడ మండలంలోని నల్లబండగూడెం గ్రామంలో హృదయ విదారక ఘటన చోటుచేసుకుంది. గ్రామానికి చెందిన ఆత్కూరి ఉపేందర్ (12) అనే బాలుడు బావిలో ఈతకు వెళ్లి ప్రమాదవశాత్తు మునిగి మృతి చెందినట్లు స్థానికులు తెలిపారు. సమాచారం అందుకున్న గ్రామస్థులు, కుటుంబ సభ్యులు బాలుడిని బయటకు తీసినా అప్పటికే మృతి చెందినట్లు తెలిసింది.విషాదకర విషయం ఏమిటంటే, గతంలో ఇదే కుటుంబానికి చెందిన ఉపేందర్ అన్నయ్య కూడా ఇంకుడు గుంతలో పడి మృతి చెందాడు. ఇప్పుడు మరో కుమారుడిని కూడా కోల్పోవడంతో ఆ కుటుంబం తీవ్ర విషాదంలో మునిగిపోయింది. ఇద్దరు కుమారులను కోల్పోయిన తల్లిదండ్రుల రోదనలు గ్రామస్థులను కంటతడి పెట్టించగా, గ్రామమంతా శోకసంద్రంగా మారింది.