అంబేద్కర్ నగర్లో ఘోరం.. నలుగురు చిన్నారులు మృతి.. తల్లి అదృశ్యం
ఉత్తరప్రదేశ్లో దారుణం! అంబేద్కర్ నగర్లో నలుగురు చిన్నారులు విగతజీవులుగా లభ్యం. తల్లి అదృశ్యం కావడంతో పలు అనుమానాలు. కేసు నమోదు చేసి విచారిస్తున్న పోలీసులు.
దిశ, వెబ్ డెస్క్: ఒకే ఇంట్లో నలుగురు చిన్నారులు శవాలపై పడిపోయిన ఘటన గ్రామంలో విషాదం నింపింది. ఈ విషాద సంఘటన ఉత్తరప్రదేశ్లోని అంబేద్కర్ నగర్ జిల్లా (Ambedkar Nagar District)లో చోటుచేసుకుంది. ఇతర పిల్లలతో ఆడుకోవాల్సిన నలుగురు చిన్నారులు విగతజీవులుగా పడి ఉండటం స్థానికంగా తీవ్ర కలకలం రేపింది. ఈ ఘటన జరిగినప్పటి నుండి ఆ పిల్లల తల్లి కనిపించకపోవడం పలు అనుమానాలకు తావిస్తోంది. శనివారం ఉదయం ఒకే కుటుంబానికి చెందిన నలుగురు పిల్లలు అనుమానాస్పద స్థితిలో మృతి చెంది ఉండటాన్ని పోలీసులు గుర్తించారు.
ఘటన జరిగిన సమయం నుండి చిన్నారుల తల్లి కనిపించడం లేదు. ఆమె ఎక్కడికి వెళ్లింది? ఈ మరణాలతో ఆమెకు ఏదైనా సంబంధం ఉందా? అనే కోణంలో పోలీసులు దర్యాప్తు చేస్తున్నారు. పోలీసుల విచారణ: ఘటనా స్థలానికి చేరుకున్న పోలీసులు మృతదేహాలను పోస్టుమార్టం నిమిత్తం ఆస్పత్రికి తరలించారు. ఫోరెన్సిక్ బృందం ఆధారాలను సేకరిస్తోంది. చిన్నారుల మరణానికి గల కారణాలు ఇంకా తెలియాల్సి ఉంది. వారిది హత్యలా లేక మరేదైనా కారణమా అనేది విచారణలో తేలాల్సి ఉండగా.. పూర్తి సమాచారం కోసం పోలీసులు గాలింపు చర్యలు ముమ్మరం చేశారు.
