ఈడీ రైడ్స్.. 9వ అంతస్తు నుంచి నోట్ల కట్టలు విసిరివేత
పంజాబ్లోని మోహాలీలో గురువారం జరిగిన ఈడీ దాడులు ఒక సినిమా సీన్ను తలపించేలా సంచలనం సృష్టించాయి.
దిశ, వెబ్ డెస్క్ : పంజాబ్లోని మోహాలీలో గురువారం జరిగిన ఈడీ (Enforcement Directorate) దాడులు ఒక సినిమా సీన్ను తలపించేలా సంచలనం సృష్టించాయి. ఖరార్ సమీపంలోని ఛజ్జు మజ్రాలో ఉన్న 'వెస్టర్న్ టవర్స్' అపార్ట్మెంట్లోని 906 నంబర్ ఫ్లాట్పై ఈడీ అధికారులు దాడులు నిర్వహిస్తుండగా, ఊహించని పరిణామం చోటుచేసుకుంది. అధికారుల కంటపడకుండా ఉండేందుకు నిందితులు తొమ్మిదో అంతస్తు నుండి నోట్ల కట్టలతో నిండిన బ్యాగులను కిందకు విసిరేశారు. అంతకంటే ఆశ్చర్యకరమైన విషయం ఏమిటంటే, కింద సిద్ధంగా ఉన్న ఒక వాహనం ఆ బ్యాగులను తీసుకుని అక్కడి నుండి వేగంగా పరారైంది. ఈ దృశ్యాలకు సంబంధించిన వీడియోలు సోషల్ మీడియాలో వైరల్ అయ్యాయి.
ఈ దాడులు ప్రధానంగా రియల్ ఎస్టేట్, మనీ లాండరింగ్ వ్యవహారాలకు సంబంధించినవిగా తెలుస్తోంది. మోహాలీ, చండీగఢ్లోని సుమారు 12 ప్రాంతాల్లో ఈడీ బృందాలు ఏకకాలంలో సోదాలు నిర్వహించాయి. ముఖ్యంగా సన్టెక్ సిటీ, ఆల్టస్ బిల్డర్స్, ధిర్ కన్స్ట్రక్షన్ మరియు ఏబీఎస్ టౌన్షిప్ వంటి ప్రముఖ రియల్ ఎస్టేట్ సంస్థల కార్యాలయాలే లక్ష్యంగా ఈ దాడులు జరిగాయి. గ్రేటర్ మొహాలీ ఏరియా డెవలప్మెంట్ అథారిటీ (GMADA) జారీ చేసే సీఎల్యూ (CLU - Change of Land Use) లైసెన్సుల కేటాయింపులో జరిగిన భారీ అక్రమాలు, హవాలా లావాదేవీలు, అక్రమ నగదు చలామణి (Money Laundering) కేసుల నేపథ్యంలో ఈ సోదాలు కొనసాగుతున్నాయి.
