ప్రమాదమని తెలిసినా.. పట్టించుకోరు!

దిశ, నిజాంపేట: బావి అక్కడే.. ప్రమాదకర మూలమలుపు అక్కడే ఉంది. నిజాంపేట మండలం నస్కల్ - రాంపూర్ వెళ్లే రోడ్డులో ప్రమాదకరమైన బావి వద్ద గతంలో.. సర్పంచ్ ప్రవీణ్ ప్రమాద హెచ్చరికల ఫ్లెక్సీలు ఏర్పాటు చేశారు. అవి గాలివానలకు చిరిగిపోయి కనుమరుగైపోయాయి. మళ్ళీ, అక్కడ అధికారులు ఎలాంటి బోర్డులు గానీ, రక్షణ గానీ ఏర్పాటు చేయలేదు. ఈ రోడ్డు గుండా నిత్యం భూం పల్లి, సిద్దిపేట ఇతర ప్రాంతాలకు ప్రజలు అవసరాల నిమిత్తం వెళ్లి రాత్రి సమయాల్లో వస్తుంటారు. కాబట్టి ప్రమాదాలు జరిగే అవకాశాలు ఉన్నాయి. వెంటనే.. అధికారులు సూచిక బోర్డులు ఏర్పాటు చేయాలని ఇరు గ్రామాల ప్రజలు వేడుకుంటున్నారు.