T20 WC : టీంఇండియా సెమీస్ చేరాలంటే ఇవి తప్పనిసరి!
T20 వరల్డ్ కప్ సూపర్ -8 దశలోనే భారత్ తడబడింది. కొన్ని కీలక అంశాలు ఫాలో అవకపోతే సెమీస్ ఆశలు గల్లంతయ్యే అవకాశాలున్నాయి.
దిశ, వెబ్ డెస్క్ : T20 వరల్డ్ కప్ లో ప్రస్తుతం టీమ్ ఇండియా పరిస్థితి చాలా క్లిష్టంగా మారింది. నిన్న న్యూజిలాండ్ చేతిలో భారత్ ఓటమి పాలవడంతో సెమీఫైనల్ అవకాశాలు పూర్తిగా నెట్ రన్ రేట్ (NRR) మీద ఆధారపడే స్థితికి వచ్చాయి. ఇకపై భారత్ ఆడే ప్రతి మ్యాచ్ చాలా కీలకం అయింది. మిగిలిన మ్యాచ్లలో ఒక్కటైనా ఓడిపోతే సెమీఫైనల్ ఆశలు దాదాపు ముగిసినట్టే అవుతుంది. అందువల్ల భారత్ తప్పనిసరిగా మిగిలిన అన్ని మ్యాచ్లను గెలవాల్సిన పరిస్థితి ఏర్పడింది.
అయితే కేవలం గెలవడం మాత్రమే సరిపోదు. భారీ తేడాతో గెలవడం అత్యంత ముఖ్యమైంది. ప్రస్తుతం భారత్ NRR తక్కువగా ఉండటంతో, ప్రత్యర్థి జట్టును 40 నుంచి 50 పరుగుల భారీ తేడాతో ఓడించడం లేదా కనీసం 3 నుంచి 5 ఓవర్లు మిగిలి ఉండగానే మ్యాచ్ ముగించడం అవసరం. ఇలా చేస్తేనే భారత్ NRR వేగంగా పెరిగి ఇతర జట్ల కంటే మెరుగైన స్థానంలో నిలబడగలదు. ఒకవేళ పాయింట్లు సమానంగా ఉన్నా, NRR తక్కువగా ఉంటే సెమీఫైనల్ అవకాశం కోల్పోయే ప్రమాదం ఉంది.
భారత్ సెమీఫైనల్కు చేరుకోవడం కేవలం తమ గెలుపుపై మాత్రమే ఆధారపడదు. గ్రూప్-A లో ఉన్న ఇతర బలమైన జట్లు కనీసం ఒక మ్యాచ్లో ఓడిపోవడం కూడా భారత్కు అనుకూలంగా మారుతుంది. ఎందుకంటే మూడు జట్లు సమాన పాయింట్లు సాధిస్తే NRR ఆధారంగానే టాప్-2 జట్లు సెమీఫైనల్కు ఎంపిక అవుతాయి. అందువల్ల భారత్ భారీ విజయాలు సాధించడమే కాకుండా ప్రత్యర్థి జట్ల ఫలితాలు కూడా తమకు అనుకూలంగా రావాలి.
అంటే సింపుల్ గా చెప్పాలంటే భారత్ సెమీస్ చేరేందుకు నాలుగు ముఖ్యమైన అంశాలు కీలక పాత్ర పోషించనున్నాయి. మిగిలిన అన్ని మ్యాచ్లలో విజయం సాధించడం, భారీ మార్జిన్తో గెలవడం ద్వారా Net Run Rate పెంచుకోవడం, ప్రత్యర్థి ప్రధాన జట్టు కనీసం ఒక మ్యాచ్ ఓడిపోవడం, పాయింట్స్ టేబుల్లో కనీసం టాప్-2 స్థానాల్లో నిలవడం. ఈ సమీకరణాలు అన్నీ సరిగ్గా కుదిరితేనే భారత్ సెమీఫైనల్కు చేరే అవకాశం ఉంటుంది.
ఇక ఒకసారి సెమీఫైనల్కు చేరిన తర్వాత NRR గాని పాయింట్స్కు గాని సంబంధం ఉండదు. సెమీఫైనల్ మ్యాచ్లో ఎవరు గెలిస్తే వారు నేరుగా ఫైనల్కు చేరుకుంటారు. అదే విధంగా ఫైనల్ మ్యాచ్ గెలిస్తే వరల్డ్ కప్ టైటిల్ భారత్ సొంతమవుతుంది. కానీ ప్రస్తుత సూపర్ -8 దశ మాత్రం భారత్కు ఇది పూర్తిగా "Win Big or Exit" పరిస్థితిగా మారింది.
