స్వాగ్ కా బాప్.. అన్ని కోట్ల కలెక్షన్స్‌తో ‘మన శంకర వరప్రసాద్ గారు’ ఆల్ టైమ్ రికార్డ్..

దిశ, సినిమా: మెగాస్టార్ చిరంజీవి(Chiranjeevi) బాక్సాఫీస్ వద్ద తన విశ్వరూపాన్నిచూపిస్తున్నారు. అనిల్ రావిపూడి(Anil Ravipudi) దర్శకత్వంలో వచ్చిన “మన శంకర వరప్రసాద్ గారు” (Mana Shankara Vara Prasad Garu) చిత్రం కేవలం వారం రోజుల్లోనే కళ్లు చెదిరే వసూళ్లతో ప్రభంజనం సృష్టిస్తోంది. తాజాగా, మూవీ మేకర్స్ అధికారికంగా ప్రకటించిన లెక్కల ప్రకారం.. ఈ సినిమా మొదటి వారం ముగిసే సమయానికి ప్రపంచవ్యాప్తంగా రూ. 292 కోట్ల కలెక్షన్లను రాబట్టింది. ఈ మూవీ కేవలం వసూళ్లలోనే కాదు, రికార్డుల పరంగా కూడా కొత్త చరిత్ర సృష్టిస్తోంది. తెలుగు రాష్ట్రాల్లోని అన్ని ప్రాంతాల్లోనూ ఈ చిత్రం ఇప్పటికే ‘బ్రేక్ ఈవెన్’ సాధించి డిస్ట్రిబ్యూటర్లను లాభాల బాట పట్టించింది.

తొలివారంలోనే ఈ స్థాయిలో వసూళ్లు రాబట్టిన తొలి ప్రాంతీయ చిత్రంగా ‘మన శంకర్ వరప్రసాద్ గారు’ నిలిచింది. ప్రతి థియేటర్ వద్ద హౌస్‌ఫుల్ బోర్డులే కనిపిస్తుండటంతో మెగా అభిమానుల ఆనందానికి అవధులు లేకుండా పోయాయి. ఈ ఘన విజయంపై నిర్మాతలు ట్విట్టర్ వేదికగా స్పందిస్తూ ఒక పవర్‌ఫుల్ పోస్టర్‌ను షేర్ చేశారు. “ప్రతి థియేటర్, ప్రతి ఏరియా.. ప్రతి ప్రాంతం.. ప్రతి హృదయం.. ‘ది స్వాగ్‌ కా బాప్’ అన్నింటినీ జయించాడు” అంటూ ఇచ్చిన క్యాప్షన్ ఇప్పుడు సోషల్ మీడియాలో వైరల్ అవుతోంది. ఈ చిత్రంలో చిరంజీవి మార్క్ కామెడీ, అనిల్ రావిపూడి టేకింగ్ ప్రేక్షకులకు ఫుల్ మీల్స్ పెట్టినట్లు అయ్యింది. ప్రస్తుతం ఉన్న జోరు చూస్తుంటే మరో 24 గంటల్లో ఈ సినిమా రూ. 300 కోట్ల క్లబ్‌లో చేరడం ఖాయంగా కనిపిస్తోంది. దీంతో ఈ విషయంపై ఆనందం వ్యక్తం చేస్తున్నారు. మా చిరుకే ఈ రికార్డు సొంతం అంటూ కామెంట్లు పెడుతున్నారు.

Read More..

చిరంజీవి సినిమాలో మ‌రో యంగ్ హీరో...బాబీ ప్లాన్ అదుర్స్ !