విద్యార్థుల మరణాలకు కేంద్ర ప్రభుత్వానిదే బాధ్యత

దిశ, అలంపూర్ : మానవపాడు మండల కేంద్రంలో కాంగ్రెస్ పార్టీ ఆధ్వర్యంలో శనివారం కేంద్ర ప్రభుత్వానికి వ్యతిరేకంగా నిరసన కార్యక్రమం నిర్వహించారు. ఏఐసీసీ అధ్యక్షుడు మల్లికార్జున ఖర్గే, లోక్‌సభ ప్రతిపక్ష నాయకుడు రాహుల్ గాంధీ, ముఖ్యమంత్రి రేవంత్ రెడ్డి, కాంగ్రెస్ నాయకుడు సంపత్ కుమార్ పిలుపు మేరకు మండల కాంగ్రెస్ నాయకులు, కార్యకర్తలు నిరసనలో పాల్గొన్నారు. ఈ సందర్భంగా కాంగ్రెస్ మండల అధ్యక్షుడు జగన్మోహన్ రెడ్డి, గ్రామాల కాంగ్రెస్ పార్టీ సర్పంచులు, నాయకులు మాట్లాడుతూ.. మే నెలలో నిర్వహించిన నీట్ పరీక్షను రద్దు చేసి తిరిగి జూన్‌లో నిర్వహించడం వల్ల తీవ్ర గందరగోళం నెలకొందని ఆరోపించారు.

ఈ పరిణామాలతో మానసిక ఒత్తిడికి గురై దేశవ్యాప్తంగా 19 మంది విద్యార్థులు ప్రాణాలు కోల్పోయారని ఆవేదన వ్యక్తం చేశారు. ఈ సంఖ్య కాంగ్రెస్ నాయకులు చేసిన ఆరోపణగా పేర్కొన్నారు. కేంద్ర ప్రభుత్వం, కేంద్ర విద్యాశాఖ మంత్రి వెంటనే ఈ వ్యవహారంపై ప్రజలకు సమాధానం చెప్పాలని డిమాండ్ చేశారు. అలాగే రాహుల్ గాంధీ అరెస్టును తీవ్రంగా ఖండిస్తూ, బీజేపీ ప్రభుత్వ నిరంకుశ విధానాలను ప్రజలంతా ప్రశ్నించాలని పిలుపునిచ్చారు.