హైదరాబాద్లో టెస్లా కారు తొలి షోరూం
ఎలక్ట్రిక్ కార్ల తయారీలో ప్రపంచవ్యాప్తంగా పేరుగాంచిన టెస్లా భారత్లో విస్తరణకు శ్రీకారం చుడుతున్నది.
దిశ, తెలంగాణ బ్యూరో: ఎలక్ట్రిక్ కార్ల తయారీలో ప్రపంచవ్యాప్తంగా పేరుగాంచిన టెస్లా భారత్లో విస్తరణకు శ్రీకారం చుడుతున్నది. ఇందులో భాగంగా హైదరాబాద్లో టెస్లా తొలి షోరూం ఈ నెల 17న ప్రారంభం కానుంది. నగరంలోని ప్రముఖ వాణిజ్య ప్రాంతంలో ఏర్పాటు చేసిన ఈ షోరూం ద్వారా టెస్లా తన అత్యాధునిక ఎలక్ట్రిక్ వాహనాలను వినియోగదారులకు అందుబాటులోకి తీసుకురానుంది. టెస్లా కార్లపై ఆసక్తి ఉన్న వినియోగదారులు ప్రత్యక్షంగా వాహనాలను పరిశీలించే అవకాశం పొందనున్నారు. భారత మార్కెట్లో టెస్లా ప్రవేశంపై చాలా కాలంగా ఎదురుచూస్తున్న ఆటోమొబైల్ ప్రేమికులకు ఈ పరిణామం శుభవార్తగా మారింది. టెస్లా షోరూం ప్రారంభంతో హైదరాబాద్ ఆటోమొబైల్ రంగంలో మరో కీలక మైలురాయిని చేరుకోనుంది. ఓక్టేబ్ బ్లాక్, నాలెడ్జ్ సిటీ, హైటెక్ సిటీలో ఈ షోరూం ప్రారంభం కానుంది.
Next Story
