బిగ్ ట్విస్ట్ ఇచ్చిన సుధా కొంగర.. ‘జననాయగన్’పై విజయ్ గురించి షాకింగ్ కామెంట్స్

దిశ, సినిమా: టాలెంటెడ్ డైరెక్టర్ సుధా కొంగర (Sudha Kongara)సోషల్ మీడియాలో హాట్ టాపిక్ అయ్యారు. ఇటీవల శివ కార్తికేయన్‌తో ఆమె తీసిన ‘పరాశక్తి’ (Parashakti)సినిమా మిక్స్‌డ్ టాక్ తెచ్చుకోవడం, అదే సమయంలో విజయ్ సినిమా ‘జననాయగన్’ (Jananaayagan)వాయిదా పడటంతో విజయ్ అభిమానులు ఆమెను టార్గెట్ చేశారు. విజయ్ సినిమాను తొక్కేసి తన సినిమాను ప్రమోట్ చేసుకుంటున్నారంటూ నెటిజన్లు దారుణంగా ట్రోల్ చేయడంతో, మొదట సుధా కొంగర కూడా కాస్త ఘాటుగానే స్పందించారు. అయితే ఈ వివాదం మరింత ముదరడంతో తాజాగా ఆమె ఒక ఇంటర్వ్యూలో అసలు విషయం చెప్తూ అందరికీ షాక్ ఇచ్చారు.

తాను విజయ్ కి వీరాభిమానినని, తన సినిమాను కూడా అన్నిసార్లు చూడనని కానీ విజయ్ చిత్రం రిలీజ్ అయితే ఫస్ట్ డే ఫస్ట్ షో థియేటర్లో ఉండాల్సిందేనని సుధా కొంగర చెప్పుకొచ్చారు. విజయ్ వంటి పెద్ద స్టార్‌తో పోటీ పడే ఉద్దేశ్యం తనకు లేదని, కేవలం పండగ సీజన్ కాబట్టి సినిమా విడుదల చేశామని వివరణ ఇచ్చారు. గతంలో వీరిద్దరి కాంబినేషన్‌లో ఓ మూవీ రావాల్సి ఉన్నా పలు కారణాల వల్ల కుదరలేదని చెప్పింది. ‘జననాయగన్’ వాయిదా పడటం దురదృష్టకరమని ఏ సినిమాకు ఇలా జరగకూడదని ఆమె ఆవేదన వ్యక్తం చేశారు. సుధా కొంగర చేసిన ఈ వ్యాఖ్యలతో ఇప్పుడు సోషల్ మీడియాలో ట్రోల్స్ ఆగిపోవడంతో పాటుగా ఆమెకు మద్దతు లభిస్తోంది.

Read More..

నాకు ఆ హీరో అంటే చాలా ఇష్టం.. సాక్షి వైద్య ఇంట్రెస్టింగ్ కామెంట్స్