ఎస్ఆర్‌హెచ్ ఫ్యాన్స్ ఈజ్ క్రేజీ.. ఈసారి లక్ష్యం ఐపీఎల్ ట్రోఫీ గెలవడమే: పాట్ కమ్మిన్స్

దిశ, వెబ్ డెస్క్: సన్ రైజర్స్ అభిమానులపై కెప్టెన్ పాట్ కమ్మిన్స్ (Captain Pat Cummins) కీలక వ్యాఖ్యలు చేశారు. ఈ సీజన్ లో ఇప్పటికే ప్లే ఆఫ్ చేరిన ఆరెంజ్ ఆర్మీ.. 2016 సెంటిమెంట్ తో ముందుకు సాగుతోంది. ఈ క్రమంలో ఓ ఇంటర్వ్యూలో పాట్ కమ్మిన్స్ సన్ రైజర్స్ ఫ్యాన్ బేస్ గురించి మాట్లాడిన మాటలు ప్రస్తుతం సోషల్ మీడియాలో వైరల్‌గా మారియి. ప్యాట్ కమిన్స్ (Pat Cummins) హైదరాబాద్ అభిమానుల పై ప్రశంసల వర్షం కురిపించారు. ఎస్ఆర్‌హెచ్ ఫ్యాన్‌బేస్‌కు ఉన్న క్రేజ్, మ్యాచ్ సమయాల్లో వారు అందించే మద్దతు అద్భుతమని కొనియాడారు. ఐపీఎల్‌లో తాను చూసిన అత్యంత ఉద్వేగభరితమైన (Passionate) అభిమానులలో ఆరెంజ్ ఆర్మీ ఒకటని స్పష్టం చేశారు.

"నిజాయితీగా చెప్పాలంటే, ఎస్ఆర్‌హెచ్ ఫ్యాన్‌బేస్ (SRH Fanbase) ఒక క్రేజీ ఫ్యాన్‌బేస్. భారతదేశంలోనే అత్యుత్తమ ఫ్యాన్‌బేస్‌లలో వారు ఖచ్చితంగా ఒకరని చెప్పాలి. మేము మైదానంలో ఎప్పుడు ఆడినా.. స్టేడియం మొత్తం ఆరెంజ్ రంగుతో నిండిపోతుంది. ఆ దృశ్యం చూడటానికి చాలా అద్భుతంగా ఉంటుంది. మాకు మంచి సమయాల్లోనే కాకుండా, కష్ట సమయాల్లో కూడా వారు అందించే మద్దతు నిజంగా నమ్మశక్యం కానిది. నేను దీన్ని ఎంతగానో ఇష్టపడుతున్నాను. వారు మమ్మల్ని ఇలాగే ఎల్లప్పుడూ ప్రోత్సహించాలని కోరుకుంటున్నాను. ఇప్పుడు మా ఏకైక లక్ష్యం ఈ ఐపీఎల్ సీజన్‌లో ట్రోఫీని గెలుచుకుని, మా అభిమానులను సంతోషపెట్టడమే. ఐపీఎల్‌లో నేను చూసిన అత్యంత ఉద్వేగభరితమైన ఫ్యాన్‌బేస్‌లలో ఇదొకటి" అని ప్యాట్ కమిన్స్ తన మనసులోని మాటను పంచుకున్నారు.