జనగామ సమీపంలో రోడ్డు ప్రమాదం.. డివైడర్‌పైకి దూసుకెళ్లిన సూపర్ లగ్జరీ బస్సు

దిశ, జనగామ: జనగామ పట్టణం సమీపంలో రోడ్డు ప్రమాదం చోటుచేసుకుంది. హైదరాబాద్ నుంచి హన్మకొండ వైపు వెళ్తున్న సూపర్ లగ్జరీ బస్సు అదుపుతప్పి డివైడర్‌పైకి దూసుకెళ్లింది. ప్రమాదం జరిగిన సమయంలో బస్సులో ఉన్న ప్రయాణికులు తీవ్ర భయాందోళనకు గురయ్యారు. అయితే అదృష్టవశాత్తూ ఈ ఘటనలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. ప్రమాదానికి గల కారణాలు ఇంకా తెలియరాలేదు. ఘటనపై పూర్తి వివరాలు తెలియాల్సి ఉంది.