శంషాబాద్ ఓఆర్‌ఆర్‌ పై రాంగ్ రూట్‌లో వచ్చిన రెడీ మిక్స్ వాహనం

దిశ, శంషాబాద్: రెడీ మిక్స్ వాహనం శంషాబాద్ ఓఆర్‌ఆర్ ఎంట్రీ నుంచి లోపలికి రాంగ్ రూట్‌లో రావడంతో పెను ప్రమాదం తృటిలో తప్పింది. దీనికి సంబంధించిన వివరాలను బాధితుడు తెలిపిన ప్రకారం.. ఓ వ్యక్తి కారులో శంషాబాద్ నుంచి గచ్చిబౌలికి వెళ్లేందుకు ఓఆర్‌ఆర్‌పైకి ప్రవేశించిన వెంటనే మలుపు తిరుగుతున్న సమయంలో ఎదురుగా ఒక రెడీ మిక్స్ వాహనం అకస్మాత్తుగా రాంగ్‌సైడ్‌లో రావడంతో పెద్ద ప్రమాదం తృటిలో తప్పింది. దేవుడి దయతో ప్రాణాలతో బయటపడ్డానని బాధితుడు ఆందోళన వ్యక్తం చేశాడు. ఇలాంటి ఘటనలు జరగకుండా సంబంధిత అధికారులు వెంటనే స్పందించి కఠిన చర్యలు తీసుకోవాలని ఆయన విజ్ఞప్తి చేశాడు. ఈ ఘటనకు సంబంధించిన వీడియోను అతడు సోషల్ మీడియాలో పోస్టు చేశాడు. దీనిపై విచారణ జరిపి తగిన చర్యలు తీసుకుంటామని సైబరాబాద్ ట్రాఫిక్ పోలీసులు తెలిపారు.