Breaking News: ప్రధాని మోడీ మరో వీడియో రిలీజ్
నీట్ (NEET) పేపర్ లీకేజీ వ్యవహారంపై దేశవ్యాప్తంగా ఆందోళనలు వ్యక్తమవుతున్న నేపథ్యంలో ప్రధాని నరేంద్ర మోదీ మరొక కొత్త వీడియో సందేశాన్ని విడుదల చేశారు.
దిశ, వెబ్ డెస్క్ : నీట్ (NEET) పేపర్ లీకేజీ వ్యవహారంపై దేశవ్యాప్తంగా ఆందోళనలు వ్యక్తమవుతున్న నేపథ్యంలో ప్రధాని నరేంద్ర మోదీ మరొక కొత్త వీడియో సందేశాన్ని విడుదల చేశారు. నీట్ లీకేజీ నిందితులను కఠినంగా శిక్షిస్తామని, విద్యావ్యవస్థలో పారదర్శకత కోసం ఫాస్ట్ ట్రాక్ కోర్టులు ఏర్పాటు చేస్తామని గురువారం రాత్రి ఆయన ఒక వీడియో ప్రకటనను విడుదల చేసిన సంగతి తెలిసిందే. ఆ ప్రకటనకు ప్రజలు, యువత నుండి వచ్చిన స్పందనపై ఆయన తాజాగా మరొక వీడియో ద్వారా స్పందిస్తూ ధన్యవాదాలు తెలిపారు.
ఈ నూతన వీడియో సందేశంలో ప్రధాని మోదీ మాట్లాడుతూ— "థాంక్యూ ఫ్రెండ్స్.. నిన్న రాత్రి మిమ్మల్ని కలిసే అవకాశం వచ్చింది. నేను పోస్ట్ చేసిన వీడియోకు మీరు చాలా ఆలోచనాత్మకమైన, విలువైన సూచనలు ఇచ్చారు. మీ స్పందనకు, మీరు నాపై చూపిన ప్రేమకు నా హృదయపూర్వక ధన్యవాదాలు. దేశ ప్రజలైన మీ నమ్మకమే నాకు అత్యంత పెద్ద బలం" అని పేర్కొన్నారు. విద్యార్థుల సమస్యలను పరిష్కరించేందుకు ప్రభుత్వం కట్టుబడి ఉందనే సంకేతాన్ని ఇస్తూనే, ప్రజల నుండి వచ్చిన ఫీడ్బ్యాక్కు ఆయన ఈ ప్రకటన ద్వారా స్పందించారు.
