డిప్యూటీ సీఎం భట్టి విక్రమార్కను కలిసిన ఓయూ ప్రొఫెసర్లు..

దిశ, సికింద్రాబాద్ : ఉస్మానియా యూనివర్సిటీ అధికారులు, ప్రొఫెసర్లు సోమవారం రాష్ట్ర ఉప ముఖ్యమంత్రి భట్టి విక్రమార్కను మర్యాదపూర్వకంగా కలిసి, జన్మదిన శుభాకాంక్షలు తెలిపారు. ఈ సందర్భంగా ఓయూ వైస్ ఛాన్సలర్ ప్రొఫెసర్ కుమార్ మొలుగారం ఉద్యోగుల సీపీఎస్, ఓపీఎస్ సమస్యలను డిప్యూటీ సీఎం దృష్టికి తీసుకెళ్లారు. దీని పై ఉపముఖ్యమంత్రి సానుకూలంగా స్పందిస్తూ.. ఈ అంశానికి త్వరలోనే సానుకూల పరిష్కారం లభించేలా ప్రభుత్వం కృషి చేస్తోందని, ఉద్యోగుల సమస్యల పరిష్కారానికి తన పూర్తి సహకారం ఉంటుందని భరోసా ఇచ్చారు. ఈ సమావేశంలో ఓయూ రిజిస్ట్రార్ ప్రొఫెసర్ జి. నరేష్ రెడ్డి, వీసీ ఓఎస్‌డీ ప్రొఫెసర్ ఎస్. జితేందర్ కుమార్ నాయక్, ప్రొఫెసర్లు జి. మల్లేశం, పి. చంద్రశేఖర్, సి.హెచ్. శ్రీనివాస్, బి. మంగు, రాజేందర్ నాయక్, డాక్టర్ చలమల్ల వెంకటేశ్వర్లు పాల్గొన్నారు.