పర్యావరణం- విరిగిన వాక్యం!

పర్యావరణం- విరిగిన వాక్యం!

**

హిస్స్, హిషస్, హిస్!

చూసారా మేము విరిగిన వ్యాకరణాలమి!

*

చూడు ! నీకు పాలు కావాలి!

దాని కోసం,నీ ఆవులకి నొప్పి పోగొట్టే డైక్లోఫెనాక్ మందులు వేస్తావు!

నువ్వు పర్యావరణం అనే వాక్యాన్ని విరగ్గొట్టావు

లేదా అర్థం తప్పించావు!

*

ఇప్పుడు, మేమంతా మృతులం!

నువ్వు కూడా మాలాగా వాసన వేస్తున్నావు!

కుళ్ళిన ఆవుల శవాల ఖంపు నీ జ్ఞాపకాలలో నిక్షిప్తమైన గాఢమైన వాసనని గుర్తుకు చేస్తుంది!

*

ఎవరు చచ్చారిప్పుడు?

చచ్చిందెవరో చెప్పు?

వ్యాకరణం_వాక్యం_పర్యావరణం!

ఇవి కదా చచ్చిపోయాయి మరి?

అందుకే ఇవన్నీ తెగ కంపు కొడుతున్నాయి!

ఈ విరిగిన లేదా అర్థం మారిన వాక్యాల ఆత్మ శాంతించుగాక!

(చచ్చిన రాబందుల సామూహిక గీతం ఆగిపోయింది)

ఇంగ్లీష్ మూలం మౌమితా ఆలం.

తెలుగు అనువాదం గీతాంజలి.