MLA Seethakka: ఎమ్మెల్యే సీతక్కకు తప్పిన ప్రమాదం

దిశ, వెబ్‌డెస్క్: MLA Seethakka Narrowly Escapes From Boat Accident| కాంగ్రెస్ కీలక నేత, ములుగు ఎమ్మెల్యే సీతక్కకు పెను ప్రమాదం తృటిలో తప్పింది. గతకొన్ని రోజులుగా ఎడతెరిపి లేకుండా కురిసిన వర్షాలకు ఏజెన్సీ ప్రాంతాల్లోని చాలా గ్రామాలు ముంపునకు గురై వరదల్లో చిక్కుకున్నారు. చాలా ప్రాంతాల్లో నివాసాలు చెల్లాచెదురై నిరాశ్రయులయ్యారు. ఈ క్రమంలో ముంపు ప్రాంతాల్లో నివసిస్తోన్న ప్రజలకు నిత్యావరసరాలు పంపిణీ చేసిన ఎమ్మెల్యే సీతక్క పడవలో తిరిగి పయణమయ్యారు. ఈ నేపథ్యంలో పడవ వాగులోని ఓ చెట్టును ఢీకొట్టి ఆగిపోయింది. వెంటనే విషయం తెలుసుకున్న అధికారులు మరో పడవలో అక్కడికి చేరుకొని సీతక్కను సురక్షితంగా ఒడ్డుకు చేర్చారు. దీంతో ఎమ్మెల్యేతో పాటు పడవలో ప్రయాణిస్తున్న వారంతా ఊపిరి పీల్చుకున్నారు.

ఇది కూడా చదవండి: హస్తం గూటికి పట్నం చేరితే...?