డివైడర్ ఎక్కిన మినీ లారీ

దిశ, ఆర్మూర్ : నిజామాబాద్ జిల్లా ఆర్మూర్ మున్సిపల్ పరిధిలోని కోటార్‌మూర్ ప్రాంతం వద్ద జాతీయ రహదారి-44 బైపాస్‌పై ఆదివారం మినీ లారీ అదుపుతప్పి డివైడర్ ఎక్కిన ఘటన చోటుచేసుకుంది. నిర్మల్ వైపు వెళుతున్న మినీ లారీని డ్రైవర్ అతివేగంగా నడుపుతుండగా అదుపు తప్పి డివైడర్‌ను ఢీకొని పల్టీ కొట్టింది. అయితే ఆ సమయంలో ఎదురుగా ఎలాంటి వాహనాలు రాకపోవడంతో పెను ప్రమాదం త్రుటిలో తప్పింది. ఈ ఘటనలో ప్రాణనష్టం జరగకపోవడంతో స్థానికులు ఊపిరి పీల్చుకున్నారు. ప్రమాదానికి అతివేగమే కారణమై ఉండొచ్చని భావిస్తున్నారు.