ధనుష్తో పెళ్లి.. ఎట్టకేలకు అలాంటి వీడియోతో స్పందించి క్లారిటీ ఇచ్చిన మృణాల్.. పోస్ట్ వైరల్
కోలీవుడ్ స్టార్ హీరో ధనుష్(Dhanush), క్రేజీ బ్యూటీ మృణాల్ ఠాకూర్(Mrunal Thakur) డేటింగ్లో ఉన్నారంటూ వస్తున్న వార్తలు గత కొన్ని రోజులుగా సోషల్ మీడియాను షేక్ చేస్తున్నాయి.
దిశ, సినిమా: కోలీవుడ్ స్టార్ హీరో ధనుష్(Dhanush), క్రేజీ బ్యూటీ మృణాల్ ఠాకూర్(Mrunal Thakur) డేటింగ్లో ఉన్నారంటూ వస్తున్న వార్తలు గత కొన్ని రోజులుగా సోషల్ మీడియాను షేక్ చేస్తున్నాయి. ఈ రూమర్లు కాస్తా ముదిరి, ఫిబ్రవరి 14న వాలెంటైన్స్ డే రోజే వీరిద్దరూ పెళ్లి చేసుకోబోతున్నారంటూ ప్రచారం కూడా జరిగింది. అంతేకాదు, పార్టీల్లో వీరిద్దరూ క్లోజ్గా కనిపించిన ఫొటోలు నెట్టింట వైరల్ కావడంతో, ఈ వార్తలకు మరింత బలం చేకూరినట్లైంది. ఎక్కడ చూసినా ధనుష్–మృణాల్ పెళ్లి గురించే చర్చ నడుస్తోంది.
ఈ నేపథ్యంలో, తాజాగా మృణాల్ ఓ పోస్ట్ ద్వారా ఈ రూమర్లపై స్పందించినట్లుగా నెటిజన్లు భావిస్తున్నారు. ఇన్స్టాగ్రామ్లో ఆమె షేర్ చేసిన ఓ వీడియో ప్రస్తుతం వైరల్ అవుతోంది. ఆ వీడియోలో మృణాల్ పడవపై నిలబడి, సముద్రపు గాలి, బంగారు సూర్యకిరణాల మధ్య ఎంతో ప్రశాంతంగా కనిపించింది. జుట్టు విరబోసుకుని, విశాలమైన చిరునవ్వుతో, పూర్తిగా రిలాక్స్డ్ మూడ్లో ఉన్న ఆమె లుక్ ఫ్యాన్స్ను ఆకట్టుకుంటోంది. ఈ వీడియోకు ఆమె “స్థిరంగా, ప్రకాశవంతంగా, అచంచలంగా” అనే క్యాప్షన్ జత చేసింది. దీంతో ఈ క్యాప్షన్నే ధనుష్తో పెళ్లి రూమర్లపై మృణాల్ ఇచ్చిన పరోక్ష సమాధానంగా నెటిజన్లు భావిస్తున్నారు.
తన జీవితంపై వస్తున్న పుకార్లు తనను ఏమాత్రం ప్రభావితం చేయడం లేదని, ప్రస్తుతం ప్రశాంతంగా తన జీవితాన్ని ఎంజాయ్ చేస్తున్నానన్న సందేశాన్ని ఈ వీడియో ద్వారా మృణాల్ ఇచ్చిందనే కామెంట్లు వినిపిస్తున్నాయి. ప్రస్తుతం ఈ భామ వెకేషన్లో ఉన్నట్లు తెలుస్తుండగా, కెరీర్పై ఫోకస్ పెట్టి, వ్యక్తిగత జీవితంపై వస్తున్న రూమర్లను లైట్ తీసుకుంటోందని అభిమానులు అభిప్రాయపడుతున్నారు. ధనుష్తో పెళ్లి వార్తలు కేవలం గాసిప్స్ మాత్రమేనని, వాటికి మృణాల్ ఈ స్టైలిష్ వీడియోతో ఫుల్ స్టాప్ పెట్టిందని సోషల్ మీడియాలో చర్చ సాగుతోంది.
Read More..
