సోనమ్ వాంగ్‌చుక్ ఆరోగ్య పరిస్థితిపై లేటెస్ట్ అప్‌డేట్

దిశ, వెబ్ డెస్క్: ఢిల్లీ జంతర్ మంతర్ వద్ద నిరాహార దీక్ష చేపట్టి, అనారోగ్య కారణాలతో ఆస్పత్రిలో చేరిన ప్రముఖ సామాజిక కార్యకర్త సోనమ్ వాంగ్‌చుక్ (Sonam Wangchuk) ఆరోగ్య పరిస్థితిపై విక్రమ్ మోహన్ మెమోరియల్ మెడికల్ కాలేజ్ (VMMC) మరియు సఫ్దర్‌జంగ్ ఆసుపత్రి వర్గాలు సోమవారం (జూలై 20) ఉదయం 10 గంటల సమయానికి తాజా హెల్త్ బులెటిన్‌ను విడుదల చేశాయి. ప్రస్తుతం ఆయనకు ఆసుపత్రిలో సమగ్రమైన వైద్య సంరక్షణ (Comprehensive medical care) అందుతోందని వైద్యులు స్పష్టం చేశారు.

నిరంతర పర్యవేక్షణ అవసరం

తాజా క్లినికల్ అసెస్‌మెంట్ ప్రకారం.. "సోనమ్ వాంగ్‌చుక్ వైటల్ పారామీటర్స్ ప్రస్తుతం స్థిరంగానే ఉన్నాయి. అయితే, ఆయన బ్లడ్ పారామీటర్స్ మాత్రం ఇంకా నిశితమైన నిఘా (Close clinical observation) ఉంచాల్సిన స్థితిలోనే ఉన్నాయి. సుదీర్ఘ శారీరక శ్రమ దృష్ట్యా భవిష్యత్తులో తలెత్తే ఎలాంటి ముందస్తు ఆరోగ్య సమస్యలనైనా తక్షణమే గుర్తించి, సకాలంలో నివారించడానికి రౌండ్-ది-క్లాక్ వైద్య పర్యవేక్షణ, నిరంతర క్లినికల్ మానిటరింగ్ ఎంతో అవసరం" అని VMMC, సఫ్దర్‌జంగ్, ఎయిమ్స్ (AIIMS) న్యూఢిల్లీకి చెందిన నిపుణుల సంయుక్త బృందం అభిప్రాయపడింది. దీనికి అనుగుణంగానే విభిన్న వైద్య నిపుణుల బృందం (Multidisciplinary team) పర్యవేక్షణలో ఆయనకు అవసరమైన అన్ని రకాల వైద్య చికిత్సలను అందిస్తూ, ఆయన ఆరోగ్య పరిస్థితిని నిరంతరం నిశితంగా పరిశీలిస్తున్నట్లు ఆసుపత్రి యంత్రాంగం వెల్లడించింది.