భారీ ఆయిల్ కొన్న భారత్.. రేట్ ఎంతో తెలుసా..?

దిశ, వెబ్‌డెస్క్: ఇండియాలో పెట్రోల్‌తో పాటు వంట నూనె పోటీ పడుతోంది. ఎప్పుడు ఎంత రేట్ పెరుగుతుందో తెలియని పరిస్థితి. అయితే తాజాగా రష్యా నుంచి భారత్ భారీ మొత్తం సన్‌ఫ్లవర్ ఆయిల్ కొనుగోలు చేసిందట. అంతేకాకుండా ఈ నూనెను రికార్డు స్థాయికి ధరకు కొన్నట్లు సమాచారం. ప్రముఖ వార్తా పత్రిక కథనం ప్రకారం.. ఉక్రెయిన్ నుంచి రావాల్సిన నూనె ఆగిపోవడంతో మార్కెట్‌లో నూనె రేట్లు ఆకాశాన్నింటే మారాయి. దానికి చెక్ చెప్పేందుకు భారత్ ఓ ప్రణాళిక సిద్ధం చేసింది. అందులో భాగంగా రష్యా నుంచి 45 వేల టన్నుల సన్ ఫ్లవర్ ఆయిల్‌ను దిగుమతి చేసుకోనుంది. ఈ నూనె ఏప్రిల్ నెలలో భారత్‌కు చేరనుంది. టన్ను క్రూడ్ సన్ ఫ్లవర్ ఆయిల్‌ను భారత రిఫైనర్లు దాదాపు 2,150 డాలర్లకు కొనుగోలు చేసినట్లు సమాచారం. మరి ఇకనైనా దేశంలో వంట నూనె ధరలు అందుబాటులోకి వస్తాయా లేదా అన్నది చూడాలి.