అక్రమ నల్లమట్టి తరలింపు

దిశ, ఊట్కూర్ : ఆదివారం ప్రభుత్వ కార్యాలయాలకు సెలవు ఉండటాన్ని అవకాశంగా తీసుకుని ఊట్కూర్ మండల కేంద్రంలోని చెరువులో అక్రమంగా నల్లమట్టి తవ్వకాలు, తరలింపు జరుగుతున్నట్లు స్థానికులు ఆరోపిస్తున్నారు. టిప్పర్ వాహనాల ద్వారా నల్లమట్టిని యథేచ్ఛగా తరలిస్తున్నారని, సంబంధిత అధికారులు విధుల్లో లేకపోవడంతో ఈ అక్రమ కార్యకలాపాలు నిరాటంకంగా కొనసాగుతున్నాయని స్థానికులు ఆందోళన వ్యక్తం చేస్తున్నారు. అక్రమ మట్టి తవ్వకాలు, తరలింపుపై రెవెన్యూ, గనుల శాఖ అధికారులు వెంటనే విచారణ చేపట్టి, నిబంధనలు ఉల్లంఘించిన వారిపై కఠిన చర్యలు తీసుకోవాలని ప్రజలు డిమాండ్ చేస్తున్నారు.