Breaking: దేశంలో భారీగా పెరిగిన గ్యాస్ సిలిండర్ ధర

దిశ, వెబ్‌డెస్క్: పెట్రోలియం కంపెనీలు లిక్విఫైడ్ పెట్రోలియం గ్యాస్ (LPG) సిలిండర్ల ధరను మార్చి 1, మంగళవారం నుండి రూ. 105 పెంచాయి. అయితే, ఈ ధర కేవలం కమర్షియల్ LPG సిలిండర్లకు మాత్రమే వర్తిస్తుంది. కాగా, వంటగ్యాస్ ధరలు మాత్రం అలాగే ఉన్నాయి.

ఈ సవరణతో దేశ రాజధానిలో ఇప్పుడు 19 కిలోల కమర్షియల్ సిలిండర్ ధర రూ.2,012 అవుతుంది. గత నెలలో, పెట్రోలియం కంపెనీలు 19 కిలోల కమర్షియల్ LPG సిలిండర్ ధరను రూ.91.50 తగ్గించాయి. అంతేకాకుండా, 5 కిలోల సిలిండర్ ధర కూడా 27 రూపాయలు పెరిగింది. దీంతో 5 కిలోల సిలిండర్ ధర ఢిల్లీలో 569 రూపాయలు అవుతుంది.