మృతి చెందిన ఉపాధి హామీ క్షేత్ర సహాయకుడి కుటుంబాన్ని పరామర్శించిన డీఆర్డీఏ అధికారి

దిశ, నర్వ: నర్వ మండలంలోని యాంకీ గ్రామానికి చెందిన ఉపాధి హామీ పథకం క్షేత్ర సహాయకుడు జజ్జలి అంజన్న ఇటీవల అనారోగ్యంతో మృతి చెందగా, ఆయన కుటుంబ సభ్యులను జిల్లా గ్రామీణ అభివృద్ధి సంస్థ (డీఆర్డీఏ) అధికారి వెంకట్రాములు బుధవారం పరామర్శించారు. ఈ సందర్భంగా అంజన్న కుటుంబ సభ్యులను ఓదార్చిన వెంకట్రాములు, వారికి ధైర్యం చెప్పారు. ఉపాధి హామీ పథకంలో అంజన్న అందించిన సేవలను గుర్తు చేసుకుంటూ, ప్రభుత్వం తరఫున కుటుంబానికి అన్ని విధాలా అండగా ఉంటామని, అవసరమైన సహాయ సహకారాలు అందిస్తామని భరోసా కల్పించారు. ఈ కార్యక్రమంలో ఎంపీడీవో శ్రీనివాసులు, ఎంపీవో రాఘవేందర్, ఏపీవో గౌరీశంకర్ గౌడ్, గ్రామ సర్పంచ్ వెంకటేష్, టీఏ శ్రావణి, పీఎస్ అనురాధ, ఉపాధి హామీ సిబ్బంది, గ్రామస్తులు పాల్గొన్నారు.