ధనుష్-మృణాల్ పెళ్లి వీడియో వైరల్.. అసలు నిజం తెలిసి షాక్ అవుతున్న ఫ్యాన్స్!

దిశ, సినిమా: గత కొద్ది రోజులుగా సోషల్ మీడియాలో ఎక్కడ చూసినా కోలీవుడ్ స్టార్ ధనుష్(Dhanush) - మృణాల్ ఠాకూర్ (Mrunal Thakur)పేర్లే వినిపిస్తున్నాయి. వీరిద్దరూ ప్రేమలో ఉన్నారని, ఫిబ్రవరి 14న పెళ్లి చేసుకోబోతున్నారంటూ నెట్టింట జోరుగా ప్రచారం జరుగుతోంది. ఇప్పటికే ఈ వార్తలపై మృణాల్ టీమ్ స్పందిస్తూ.. అవన్నీ అవాస్తవాలని, ఆ వార్తల్లో ఎలాంటి నిజం లేదని స్పష్టం చేసింది. అయినప్పటికీ, వీరిద్దరి పెళ్లికి సంబంధించిన పుకార్లు ఆగడం లేదు. ఈ క్రమంలోనే.. తాజాగా సోషల్ మీడియాలో వైరల్ అవుతున్న ఒక వీడియో నెటిజన్లను షాక్‌కు గురి చేస్తోంది. ఈ వీడియోలో ధనుష్, మృణాల్ పెళ్లి బట్టల్లో ఉండగా.. వారికి శుభాకాంక్షలు చెప్పడానికి అజిత్ కుమార్, విజయ్, త్రిష, శృతి హాసన్, అనిరుధ్ వంటి స్టార్ సెలబ్రిటీలు హాజరైనట్లు కనిపిస్తోంది.

అయితే, ఈ వీడియో అసలు నిజం కాదని తెలియడంతో అందరూ ఊపిరి పీల్చుకున్నారు. ఇది ఆర్టిఫిషియల్ ఇంటెలిజెన్స్ (AI) సాంకేతికతతో సృష్టించిన ఫేక్ వీడియో అని స్పష్టమైంది. ఎవరో కావాలనే ఏఐ ద్వారా సెలబ్రిటీల ముఖాలను ఎడిట్ చేసి ఈ వీడియోను వైరల్ చేశారు. ప్రస్తుతం ఏఐ టెక్నాలజీ వల్ల ఇలాంటి ఇబ్బందులు పెరిగిపోతున్నాయి. ముఖ్యంగా సినీ సెలబ్రిటీల విషయంలో డీప్‌ఫేక్ వీడియోలు, ఫొటోలు సృష్టించి వారిని ఇబ్బందులకు గురి చేస్తున్నారు. ఈ వీడియోపై నెటిజన్లు స్పందిస్తూ.. టెక్నాలజీని ఇలా తప్పుడు పనులకు వాడుతున్న వారిపై ఆగ్రహం వ్యక్తం చేస్తున్నారు. ఏది ఏమైనా, అధికారిక సమాచారం వచ్చే వరకు ఇలాంటి సోషల్ మీడియా పోస్టులను నమ్మవద్దని సూచిస్తున్నారు.

Read More..

అతడితో ఉన్న ఫొటోలు షేర్ చేసిన మృణాల్.. రిలేషన్‌షిప్‌లో ఉందా?