ఉద్దేశ్యపూర్వకమైన మారణకాండ.. 'కీవ్' వీధుల్లో పెద్ద ఎత్తున మృతదేహాలు

కీవ్: ఉక్రెయిన్ రాజధాని కీవ్ సమీపంలోని బుచా నగరంలో రష్యా ఉద్దేశ్యపూర్వకంగా పౌరులను హతమార్చిందని అధికారులు పేర్కొన్నారు. రష్యా దళాలు వెనక్కి వెళ్లడంతో ఆదివారం విదేశాంగ మంత్రి దిమిత్రో కులేబా ట్వీట్ చేశారు. బుచా మారణకాండ ఉద్దేశ్యపూర్వకమైనది. రష్యన్లు సాధ్యమైనంత వరకు ఉక్రెయిన్లను తొలగించాలని లక్ష్యంగా పెట్టుకున్నారు. మేము వారిని ఆపి, బయటకు పంపాలి. జీ7 ఇప్పటికే కొత్త ఆంక్షలు విధించాలని నేను కోరుతున్నాను' అని ట్వీట్ చేశారు. కీవ్ ప్రాంతాన్ని 21 వ శతాబ్దపు నరకంగా పేర్కొన్నారు. పురుషులు, మహిళలను చేతులు కట్టేసి చంపారని అన్నారు. నాజీల చెత్త నేరాలు యూరోప్ కు తిరిగి వచ్చాయని చెప్పారు. ఇవి ఖచ్చితంగా రష్యా ఉద్దేశపూర్వకంగా చేసిన చర్యలేనని ఆరోపించారు. శక్తి వనరులపై ఆంక్షలు విధించి, సీపోర్టులు మూసివేసి, హత్యలను ఆపాలని కోరారు. కాగా బుచా పట్టణంలో రష్యా దళాలు వదిలి వెళ్లిన తర్వాత దాదాపు 300 మంది పౌరుల మృతదేహాలు గుర్తించినట్లు స్థానిక అధికారులు తెలిపారు.