విధి నిర్వహణలో వీరమరణం.. ప్రభుత్వ లాంఛనాలు కానిస్టేబుల్ సౌమ్య అంత్యక్రియలకు ఆదేశాలు

దిశ, వెబ్ డెస్క్: గంజాయి స్మగ్లర్లను అడ్డుకునే ప్రయత్నం చేయగా..కానిస్టేబుల్ సౌమ్య (Constable Soumya)ను కారుతో గుద్ది పారిపోయారు. ఈ ప్రమాదంలో తీవ్రగాయాలతో దాదాపు 8 రోజులు ఆస్పత్రిలో చికిత్స పొందిన ఆమె.. శనివారం సాయంత్రం ప్రాణాలు కోల్పోయింది. డ్యూటీ నిర్వాహనలో విరోచితంగా వ్యవహరించిన సౌమ్య మృతిపై దిగ్బ్రాంతి వ్యక్తం చేసి సీఎం రేవంత్ రెడ్డి కీలక ఆదేశాలు జారీ చేశారు. గాజుల సౌమ్య (23) భౌతిక కాయానికి ప్రభుత్వ లాంఛనాలతో అంత్యక్రియలు నిర్వహించాలని తెలంగాణ ముఖ్యమంత్రి ఆదేశించారు. విధి నిర్వహణలో ఆమె చూపిన ధైర్యసాహసాలను కొనియాడిన సీఎం, ఈ మేరకు తక్షణ చర్యలు తీసుకోవాలని ప్రభుత్వ ప్రధాన కార్యదర్శి (CS) శాంతి కుమారిని (లేదా సంబంధిత అధికారులను) ఆదేశించారు. సౌమ్య కుటుంబాన్ని అన్ని విధాలా ఆదుకుంటామని ప్రభుత్వం భరోసా ఇచ్చింది.

నిజామాబాద్ జిల్లా మోస్రా మండలానికి చెందిన సౌమ్య, జనవరి 23న మాధవనగర్ వద్ద గంజాయి తరలిస్తున్న వాహనాన్ని అడ్డుకునే ప్రయత్నంలో స్మగ్లర్ల కారు కింద పడి తీవ్రంగా గాయపడ్డారు. ఎనిమిది రోజుల పాటు హైదరాబాద్‌లోని నిమ్స్ (NIMS) ఆస్పత్రిలో మృత్యువుతో పోరాడిన ఆమె శనివారం రాత్రి 9:41 గంటలకు తుదిశ్వాస విడిచారు. కేవలం 2024 బ్యాచ్‌కు చెందిన యువ కానిస్టేబుల్ అయిన సౌమ్య మృతితో ఎక్సైజ్ శాఖలో విషాదం నెలకొంది. స్మగ్లర్ల దౌర్జన్యంపై కఠిన చర్యలు తీసుకోవాలని, బాధ్యులను వదిలిపెట్టవద్దని పోలీసు ఉన్నతాధికారులను సీఎం ఆదేశించారు.

కన్నీటి సంద్రమైన మోస్రా.. స్వగ్రామానికి చేరిన కానిస్టేబుల్ సౌమ్య భౌతికకాయం