ఎంపీడీవోగా బాధ్యతలు స్వీకరించిన శ్రీదేవిని కలిసిన కాంగ్రెస్ పార్టీ సర్పంచులు

దిశ, టేకులపల్లి : సోమవారం టేకులపల్లి నూతన ఎంపీడీవోగా బాధ్యతలు స్వీకరించిన శ్రీదేవిని కాంగ్రెస్ పార్టీ సర్పంచులు మర్యాదపూర్వకంగా కలిశారు. ఇల్లందు నియోజకవర్గ కాంగ్రెస్ పార్టీ నాయకుడు కోరం సురేందర్ సమక్షంలో సర్పంచులను నూతన ఎంపీడీవో శ్రీదేవికి పరిచయం చేశారు. ఈ సందర్భంగా సర్పంచులు శాలువాతో ఎంపీడీవో శ్రీదేవిని ఘనంగా సన్మానించారు. గ్రామాల అభివృద్ధి, పారిశుధ్యం, స్థానిక పరిపాలన, ప్రజలకు మెరుగైన సేవలందింపు అంశాలపై సర్పంచులకు ఎంపీడీవో శ్రీదేవి పలు సూచనలు చేశారు. ఈ కార్యక్రమంలో కాంగ్రెస్ మండల అధ్యక్షుడు లక్కినేని శ్యామ్, ఆత్మ కమిటీ చైర్మన్ మంగీలాల్, కాంగ్రెస్ పార్టీ నాయకులు ఈది గణేష్, పోశాలు, భద్రు, సుధాకర్, నగేష్, సుఖ్య, బన్సీలాల్, కోటి, శంకర్ తదితరులు పాల్గొన్నారు.