Arrest: కరాటే కళ్యాణిపై దాడి ఘటన.. యూట్యూబర్ నరేందర్ అరెస్ట్
టీటీడీ లక్కీ డ్రా పేరుతో ప్రచారం చేస్తూ అమాయకులను మోసం చేస్తున్న ఇద్దరిని నటి కరాటే కళ్యాణి రెడ్హ్యాండెడ్గా పట్టుకుంటుండగా దాడికి పాల్పడిన విషయం తెలిసిందే.
దిశ, వెబ్డెస్క్: టీటీడీ లక్కీ డ్రా (TTD Lucky Draw) పేరుతో ప్రచారం చేస్తూ అమాయకులను మోసం చేస్తున్న ఇద్దరిని నటి కరాటే కళ్యాణి (Karate Kalyani) రెడ్హ్యాండెడ్గా పట్టుకుంటుండగా దాడికి పాల్పడిన విషయం తెలిసిందే. అయితే, కరాటే కళ్యాణి ఇచ్చిన ఫిర్యాదు మేరకు తాజాగా ఆమెపై దాడికి పాల్పడిన యూట్యూబర్ నరేందర్ (Youtuber Narender)ను పోలీసులు అరెస్ట్ చేసిన పోలీసులు. గతంలో నరేందర్పై మీర్పేటలో చైన్ స్నాచింగ్ కేసు కూడా నమోదైనట్లుగా తెలుస్తోంది.
కాగా, ఇద్దరు వ్యక్తులు మంగళవారం నాడు ఆదిభట్ల వండర్లా పరిసరాల్లో ‘టీటీడీ లక్కీ డ్రా’ అంటూ కూపన్లు, బహుమతుల పేరుతో ప్రజలను బురిడీ కొట్టిస్తున్నారు. వారు నిర్వహించే లక్కీ డ్రాకు టీటీడీ (TTD)కి సంబంధం ఉన్నట్లు తప్పుడు ప్రచారం చేస్తూ.. జనాల వద్ద నుంచి డబ్బులు వసూలు చేస్తున్నారు. అయితే అప్పటికే నిందితుల మీద కరాటే కళ్యాణి పోలీసులకు ఫిర్యాదు చేశారు. ఈ క్రమంలో వారు ఆదిభట్ల వండర్లా వద్ద కనిపించడంతో ఆమె వారి వద్దకు వచ్చి ప్రశ్నించగా.. మహిళ అని చూడకుండా ఆమె ఒంటిపై ఉన్న చున్నీ లాగేసి దాడికి యత్నించారు. దీంతో కరాటే కళ్యాణి పోలీసులకు ఫిర్యాదు చేయగా.. తాజాగా నిందితుడు నరేందర్ను అదపులోకి తీసుకుని విచారిస్తున్నారు.
Read More..
