iPhone 17e ఫీచర్స్ వెల్లడించిన యాపిల్

దిశ, వెబ్ డెస్క్ : ప్రఖ్యాత యాపిల్ తన శ్రేణిలో విప్లవాత్మక మార్పులు చేస్తూ iPhone 17eని తీసుకు వచ్చింది. తాజా హ్యాండ్స్-ఆన్ రివ్యూల ప్రకారం.. ఈ ఫోన్ కేవలం పేరుకే 'బడ్జెట్' మోడల్ అని, ఫీచర్ల పరంగా మాత్రం ఫ్లాగ్‌షిప్ ఫోన్‌లకు గట్టి పోటీనిస్తుందని తెలుస్తోంది. గతంలో వచ్చిన 'SE' మోడళ్ల కంటే ఇది చాలా భిన్నంగా, ఆధునిక డిజైన్, శక్తివంతమైన హార్డ్‌వేర్‌తో రూపొందించబడింది. ఈ ఫోన్ యూజర్లకు సరికొత్త అనుభూతిని అందించబోతోందని యాపిల్ పేర్కొంది.

సరికొత్త చిప్

యాపిల్ ఈ ఫోన్‌లో తన సరికొత్త A19 చిప్‌ను ప్రవేశపెట్టింది. దీనివల్ల ఫోన్ పనితీరు గత మోడళ్ల కంటే చాలా వేగంగా ఉంటుంది. ముఖ్యంగా AI ఫీచర్లను సునాయాసంగా రన్ చేయడానికి ఈ చిప్ సహాయపడుతుంది. అలాగే స్టోరేజ్ వేరియంట్‌ను పెంచడమే కాకుండా, మల్టీ టాస్కింగ్ కోసం ర్యామ్ (RAM) సామర్థ్యాన్ని కూడా పెంచింది. దీనివల్ల గేమింగ్, భారీ యాప్‌లను ఉపయోగించడం మరింత సులభమవుతుంది.

మాగ్‌సేఫ్ వచ్చేసింది!

చాలా కాలంగా బడ్జెట్ మోడల్ యూజర్లు ఎదురుచూస్తున్న MagSafe ఫీచర్‌ను యాపిల్ ఇందులో చేర్చింది. ఫోన్ వెనుక భాగంలో ఉండే మాగ్నెటిక్ రింగ్ ద్వారా వైర్‌లెస్ ఛార్జింగ్ చేయడం, వివిధ రకాల మాగ్‌సేఫ్ యాక్సెసరీలను ఉపయోగించడం సాధ్యమవుతుంది. ఇది ఫోన్ యొక్క ప్రీమియం లుక్‌ను మరింత పెంచడమే కాకుండా, వినియోగదారులకు ఛార్జింగ్ విషయంలో ఇక చింత ఉండదు.

డిజైన్ & డిస్‌ప్లే

iPhone 17e పాతకాలపు హోమ్ బటన్ డిజైన్‌ను పూర్తిగా పక్కన పెట్టి, ఎడ్జ్-టు-ఎడ్జ్ డిస్‌ప్లే, డైనమిక్ ఐలాండ్ (Dynamic Island) ఫీచర్‌ ను తీసుకు వస్తోంది. తక్కువ కాంతిలో కూడా అద్భుతమైన ఫోటోలు తీయడానికి వీలుగా కెమరాలో సెన్సార్లను అప్‌గ్రేడ్ చేశారు. ప్రస్తుతం ప్రపంచవ్యాప్తంగా నెలకొన్న టెక్ వార్ మధ్య కూడా యాపిల్ ఈ ఫోన్‌ను మార్కెట్లోకి తీసుకురావడం విశేషం.