అంబటికి 14 రోజుల రిమాండ్

దిశ, వెబ్ డెస్క్ : ఏపీ సీఎం చంద్రబాబు నాయుడిపై అనుచిత వ్యాఖ్యలు చేసిన కేసులో వైసీపీ అగ్రనేత అంబటి రాంబాబు అరెస్టైన సంగతి తెలిసిందే. వైద్య పరీక్షల అనంతరం పోలీసులు గుంటూరు మొబైల్ కోర్టులో ప్రవేశపెట్టగా.. అంబటికి 14 రోజుల రిమాండ్ విధించింది. రాష్ట్రవ్యాప్తంగా అంబటి రాంబాబుపై 16 క్రిమినల్ కేసులు నమోదు అయ్యాయని, పదే పదే తీవ్ర విమర్శలు చేస్తూ వివాదాలు సృష్టించే ప్రయత్నం చేస్తున్నారని రిమాండ్ రిపోర్టులో నల్లపాడు పోలీసులు పేర్కొన్నారు. దీనిపై విచారణ చేపట్టిన న్యాయస్థానం 14 రోజుల రిమాండు విధించింది. కాసేపట్లో అంబటిని రాజమండ్రి సెంట్రల్ జైలుకు తరలిస్తారని సమాచారం.

అంబటి రాంబాబును జైలుకు తరలించిన పోలీసులు