నటి శారదకు మరో ప్రతిష్టాత్మక అవార్డు

దిశ, వెబ్ డెస్క్ : దక్షిణ భారత సినీ రంగంలో అర్ధశతాబ్దానికి పైగా సేవలందించిన ప్రముఖ నటి శారదకు కేరళ ప్రభుత్వం ప్రతిష్టాత్మక డానియల్ అవార్డు (Daniel Award) ప్రకటించింది. 2026 సంవత్సరానికి గాను ఈ అవార్డును కేరళ స్టేట్ ఫిల్మ్ అవార్డ్స్‌లో భాగంగా జీవన సాఫల్య గౌరవ అవార్డు రూపంలో అందజేయనున్నారు. మలయాళం, తమిళం, తెలుగు సహా పలు భాషల్లో 50 ఏళ్లకు పైగా నటిస్తూ వందలాది సినిమాల్లో విభిన్నమైన పాత్రలు పోషించిన శారద.. ప్రేక్షకుల మనసుల్లో ప్రత్యేక స్థానం సంపాదించుకున్నారు. మహిళా సమస్యలు, సామాజిక అంశాలపై బలమైన పాత్రలు చేయడమే కాకుండా, తన నటనతో ఎన్నో తరాలకు ఆదర్శంగా నిలిచారు.

ఈ అవార్డు ద్వారా ఆమె సినీ జీవితానికి, కళాపరమైన ప్రతిభకు, సమాజానికి చేసిన సేవలకు గానూ కేరళ ప్రభుత్వం అందిస్తున్న చిరు సత్కారం అని అభిప్రాయపడింది. ఈ అవార్డుతో పాటు నగదు బహుమతి, శాలువా, సర్టిఫికెట్ అందజేస్తారు. ఇప్పటికే జాతీయ అవార్డు, నంది అవార్డు, ఫిల్మ్‌ఫేర్ వంటి అనేక గౌరవాలు పొందిన శారదకు ఈ డానియల్ అవార్డు మరో గొప్ప గుర్తింపుగా నిలవనుంది.