మీనాక్షికి అలాంటి కండీషన్ పెట్టిన టాలీవుడ్ హీరో.. అసలు విషయం రివీల్ చేసి షాకిచ్చిన నిర్మాత!

దిశ, సినిమా: టాలీవుడ్ క్రేజీ బ్యూటీ మీనాక్షి చౌదరి (Meenakshi Chaudhary)వరుస విజయాలతో పాటు బ్యాక్ టు బ్యాక్ అవకాశాలు అందుకుంటోంది. అమ్మడు ఏ సినిమా చేసినా హిట్ అవుతూ.. క్రేజ్‌ను మరింత పెంచుతున్నాయి. గత ఏడాది ‘సంక్రాంతికి వస్తున్నాం’ మూవీతో వచ్చిన మీనాక్షి చౌదరికి సూపర్ హిట్ వచ్చింది. ఇక ఇటీవల ‘అనగనగా ఒకరాజు’ (Anaganaga Oka Raju)మూవీతో వచ్చిన ఆమె మరో హిట్‌ను తన ఖాతాలో వేసుకుంది. ఇందులో నవీన్ పొలిశెట్టి (Naveen Polishetty)సరసన నటించగా.. సంక్రాంతి కానుకగా వచ్చిన ఈ చిత్రం అందరినీ మెప్పిస్తోంది. తాజాగా, మేకర్స్ సక్సెస్ మీట్ నిర్వహించగా.. ఇందులో పాల్గొన్న నిర్మాత నాగవంశీ ఓ షాకింగ్ విషయాన్ని రివీల్ చేశారు. మీనాక్షి చౌదరికి టాలీవుడ్ యంగ్ హీరో నవీన్ పొలిశెట్టి ఓ కండీషన్ పెట్టాడని చెప్పారు. ‘‘మీనాక్షిని సెలెక్ట్ చేసినప్పటినుంచి నవీన్ నువ్వు ఏ సినిమా ఒప్పుకోవద్దని చెప్పాడు.

సడెన్‌గా డేట్స్ అడిగితే ఇబ్బంది అవుతుందని తనను ఆఫి ఏడాది పాటు ఏ సినిమా చేయనివ్వకుండా ఆపాడు. కచ్చితంగా సంక్రాంతికి హిట్ ఇస్తాం నువ్వు టెన్షన్ పకు అని హామీ ఇచ్చాడు. ఆ సమయంలో.. నీవి ఈ ఇయర్ ఏం సినిమాలు రిలీజ్ లేవుగా అని పదే పదే అడిగి నా బుర్ర తీనేసేది మీనాక్షి. అందుకే మీనాక్షి కోసం అయినా సినిమా అడాలని కోరుకున్నాను’’ అని చెప్పుకొచ్చాడు నాగవంశీ. ప్రజెంట్ ఇందుకు సంబంధించిన వీడియో నెట్టింట చక్కర్లు కొడుతోంది. అది చూసిన నెటిజన్లు కొందరు షాక్ అవుతూ.. అయ్యో పాపం మీనాక్షి అని కామెంట్లు చేస్తున్నారు. కాగా.. ‘అనగనగా ఒకరాజు’ మారి దర్శకత్వంలో వచ్చింది. దీనిని శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ బ్యానర్‌పై సూర్య దేవర నాగవంశీ నిర్మించారు. జనవరి 14న థియేటర్స్‌లోకి వచ్చిన ఈ చిత్రం ప్రేక్షకులను కడుపుబ్బా నవ్విస్తోంది.

Read More..

ఆ ఇద్ద‌రు భామ‌ల‌తో ప్రదీప్ రంగనాథన్ రొమాన్స్..మ‌రో బ్లాక్ బ‌స్ట‌ర్ ప‌క్కా!