తెలుగు రాష్ట్రాలు కేంద్రాన్ని ఎదిరించాలి: సీపీఐ(ఎం)

దిశ, తెలంగాణ బ్యూరో : ప్రధాని మోడీ విధానాలను తెలుగు రాష్ట్రాల ప్రజలు ఎదురించాలని సీపీఐ(ఎం) పొలిట్​బ్యూరో సభ్యుడు బీవీ రాఘవులు అన్నారు. హైదరాబాద్‌లోని ఎంబీ భవన్‌లో సోమవారం నిర్వహించిన మీడియా సమావేశంలో ఆయన మాట్లాడారు. వడ్లు కొనేందుకు కేంద్రం కుంటి సాకులు చెబుతోందని, పండిన ధాన్యం మొత్తాన్ని కేంద్రం ఎఫ్‌సీఐ ద్వారా కొనేలా చేయాలని డిమాండ్​చేశారు. రాఫెల్​యుద్ధ విమానాల కొనుగోలులో అక్రమాలపై న్యాయవిచారణ జరపాలని ఆయన డిమాండ్ చేశారు.

రైతు పోరాటానికి, ప్రైవేటీకరణ, మానిటైజేషన్‌కు వ్యతిరేకంగా ప్రజలు, రైతులు, కార్మికులు చేస్తున్న ఆందోళనలకు సంఘీభావం ప్రకటించారు. కేంద్రం వసూలు చేస్తున్న ప్రత్యేక పన్నులను రద్దు చేసి పెట్రోల్, డీజిల్​ధరలు తగ్గించాలని డిమాండ్​చేశారు. బీజేపీ సర్కార్​పై టీఆర్‌ఎస్​చేస్తున్న విమర్శలు ఆహ్వానించదగినవేనని పేర్కొన్నారు. ఇదిలా ఉండగా వచ్చే ఏడాది జనవరి 7 నుంచి 9వ తేదీ వరకు కేంద్ర కమిటీ సమావేశాలు నిర్వహిస్తున్నట్లు చెప్పారు. దేశ రాజకీయ పరిణామాలపై చర్చించి పార్టీ వ్యూహాన్ని రూపొందిస్తామని ఆయన తెలిపారు.