MLA సాయన్న కుటుంబానికి అండగా ఉంటా: CM కేసీఆర్

దిశ, డైనమిక్ బ్యూరో: అనారోగ్యంతో కన్నుమూసిన సికింద్రాబాద్ కంటోన్మెంట్ ఎమ్మెల్యే సాయన్న మృతి పట్ల సీఎం కేసీఆర్ తీవ్ర దిగ్భ్రాంతి వ్యక్తం చేశారు. హైదరాబాద్ చిక్కడపల్లిలోని ఎమ్మెల్యే సాయన్న నివాసానికి చేరుకుని ఆయన భౌతికకాయానికి నివాళులర్పించారు. అనంతరం కుటుంబసభ్యులను పరామర్శించారు. వారికి ప్రగాఢ సానుభూతి తెలిపారు. వారితో మాట్లాడుతూ.. అండగా ఉంటానని కేసీఆర్ భరోసా ఇచ్చారు. సీఎం కేసీఆర్ వెంట బీఆర్ఎస్ మంత్రులు, ఎంపీలు, ఎమ్మెల్యేలు, ఎమ్మెల్సీలు సాయన్న నివాసానికి చేరుకుంటున్నారు.